Azken partidetan hobera egin du nabarmen Osasunak, eta, horri esker, jaitsiera postuetatik irten da. Halere, segida falta zaio, orain arte ez baita gai izan ligan bi partida jarraian irabazteko. Eta horrela, nekez urrunduko du jaitsieraren mamua. Gaur eten nahi du bolada txar hori, Eibarri irabazi ostean, Levanteren zelaian nagusituta (18:30, Movistar La Liga). Aukera ona izan dezake, arerioak Espainiako Kopako finalerdietako joanekoa jokatu baitu aste barruan, eta nekea sumatu dezake.
Athleticek, berriz, bihar jokatuko du, Cadizen (Espainia), iluntzeko bederatzietan (Movistar La Liga). Zuri-gorriek atzean utzi nahi dute Kopa, eta ligan buru-belarri jarri.
Kopa jokatzea da saria
Eibarrek atzeratutako partida jokatuko du gaur Granadillaren zelaian (12:00). Erronka zaila dute eibartarrek, Espainiako taldea aurkari indartsua baita: seigarren postuan dago sailkapenean. Baina saiatzeak sari potoloa izan dezake, irabaziz gero, Koparako sailkatu baita Eibar.
Osasunak segida izan nahi du
Talde gorritxoak Levanteren zelaian jokatuko du gaur, eta Athletic Cadizen ariko da bihar. Eibarrek Granadillari egingo dio bisita
Iruzkinak
Ez dago iruzkinik
Ordenatu
