Noiz sortua: 2018-06-08 00:30:00

Espainia. Gobernu berriaren osaketa

Hasi aurretik negoziazioei muga bat jarriz

Katalunia gogoan, konstituziotik harago ez direla mintzatuko agindu du Robles Defentsa ministroak. Borrell Atzerri ministroaren ustez, «lurralde osotasuna» da arazo larriena
Espainiako Gobernuko presidente eta ministro berriak, atzo, karguaren zina egin ondoren.
Espainiako Gobernuko presidente eta ministro berriak, atzo, karguaren zina egin ondoren. JAVIER LIZON/ EFE Tamaina handiagoan ikusi

Igor Susaeta -

2018ko ekainak 8

Quim Torra Kataluniako Generalitateko presidentearentzat, «zoritxarreko albistea» da Josep Borrell kataluniarra izatea Espainiako Gobernuko Atzerri ministro berria. Izan ere, Borrellek gogor egin izan du prozesu subiranistaren kontra. Atzo, ministro karguaren zina egin ondoren, ez zuen Katalunia zuzenean aipatu, baina nabarmendu zuen Espainiak herrialde batek eduki dezakeen arazorik «larriena» duela: «Lurraldearen osotasunarena». Ez zuen, ordea, auzi horri erantzuteko irtenbiderik proposatu. Pedro Sanchez Espainiako presidenteak bezala, Margarita Robles Defentsa ministroak «elkarrizketa» agindu zuen atzoko ekitaldian, baina hasi aurretik muga bat jarri die Kataluniaren eta Espainiaren arteko negoziazio posibleei: «Konstituzioarekin dena; elkarrizketa, tolerantzia. Konstituziotik kanpo, ezer ez». Beraz, Sanchezek «zubiak eraikitzeko» konpromisoa hartu zuen arren, Espainiako Gobernuak mezu garbia bidali dio Kataluniakoari.

Bitartean, Sanchezek bilera batera deitu dezala eskatzen jarraitzen du Generalitateak. «Katalunia da Sanchezek mahai gainean duen gai inportanteenetako bat», adierazi zuen atzo Elsa Artadi Generalitateko Presidentetza kontseilari eta gobernuko bozeramaileak, bilera hori azkartzeko ahaleginean. Borrellek esandakoa aintzat hartuta, bat datoz bi gobernuak. Baina muga konstituzioa baldin bada, a priori, behintzat, gutxi edukiko dute negoziatzeko, Torrak publikoki adierazten duena zera baita, errespetatu egingo duela urriaren 1eko erreferendumaren «agindua».

Kataluniako subiranistek ez dute oso gogoko Sanchezek osatutako gobernua, eta, Carles Campuzano PDeCAT Alderdi Demokrata Europar Katalanak Kongresuan duen bozeramaileak atzo esan zuenez, «irregularra» da exekutiboa. Borrellez galdetu zioten, eta erantzun zuen Kataluniarentzat «probokazio bat» dela hura Atzerri ministroa izatea. Espainiako diplomaziaburuak noizbait adierazitakoaren arabera, alderdi subiranistak jendea «engainatzen» ari dira, eta inoiz ez dute nazioartean babesik edukiko. Hain zuzen ere, indar independentistek Europan urratutako bidea desitxuratzea izango da Borrellen eginkizun nagusietako bat.

Iglesiasen kritikak

Meritxell Batet da Sanchezen exekutiboko beste kataluniarra. Lurralde Administrazioen ministro berriak atzo adierazi zuenez, bere helburuetako bat izango da «autonomia guztiekin» hitz egitea, «haiei aditzea, haiekin adostea», baina «bereziki» Kataluniarekin. «Aniztasuna» aldarrikatu zuen, eta nabarmendu «edozeren gainetik» defendatu beharreko «altxorra» dela. Katalanez mintzatuz bukatu zuen agerraldia.

Bestalde, gobernurako aukeratutako ministroak kontuan hartuta, atzo Pablo Iglesias Podemoseko idazkari nagusiak deitoratu egin zituen Sanchezek PPri eta Ciudadanosi egindako keinuak: «Ciudadanosek eta PPk gustuko duen jendearekin egin du gobernua, gure gertuko inor gabe. Printzipioen deklarazio bat da hori». Joan den ostiraleko zentsura mozioa gogoan, Iglesias areago joan zen: «Itxura denez, 24 ordutan ahaztu du nork egin duen presidente». Sanchez presidente izendatu eta gero, Podemoseko liderrak «hauteskundeak elkarrekin irabaztera» dei egin zion. PSOEkoak eskaintzari muzin egin dio oraingoz.

Ciudadanosek ere izan zuen hizpide gobernu berria, eta Juan Carlos Girauta kongresuan bozeramaile denaren esanetan, ministro bakar batek ere ez dio «belarrira minik» egiten. PPk, bestalde, zer asmo dituen argitzeko eskatu dio Sanchezi.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Lehen arretako profesionalen protesta bat, iaz, Gasteizen. ©ENDIKA PORTILLO / FOKU

Murgak egoera hauskorraz ohartarazi du, 15 kutsatu gehiagoren berri emanda

Ane Eslava

Egoera «kontrolpean» dagoen arren, «zuhurtzia» eskatu du. Nafarroan ez da kasu berririk egon. Lehen arretako langileek protesta egin dute

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna