Albistea entzun

Zerrenda bereizien aukera aztertzeko prest agertu da Mas, ERCren arabera

Kataluniako presidenteak eta Junquerasek ez dute akordiorik itxi, baina jarrerak hurbildu dituzte

Xabin Makazaga -

2015eko urtarrilak 6

Kataluniaren independentziarako prozesuak trabatuta jarraitzen du, Artur Mas Generalitateko presidentea eta Oriol Junqueras ERCko buruzagia ez direlako ados jartzen hauteskunde plebiszitario batzuk egiteko formulari buruz. Atzo bosgarren aldiz bildu ziren azaroaren 9ko herri galdeketaren ondotik, eta ez zuten akordiorik lortu; baina Mas prest agertu da, ERCko iturrien arabera, balizko hauteskunde plebiszitarioetan aterki beraren pean zerrenda bereiziak aurkezteko aukera aztertzeko.

Hauteskundeak aurreratzekotan, independentziaren aldeko indarrak zerrenda bakarrean bildu eta gizarte zibilaren ordezkariekin osatzeko baldintza jarri du orain arte Masek. Espainiako auzitegiek galarazitako herri galdeketaren ordezkotzat aurkeztu ditu, izan ere, hauteskunde plebiszitarioak, eta emaitza argi bat izateko ezinbestekotzat jo izan du zerrenda bakarra aurkeztea. Legegintzaldia 2016. urtean amaitzen da, eta ordu arte irauteko prest agertu da Kataluniako presidentea, burujabetzaren aldeko indarrek akordio bat egin ezean. Junquerasek, berriz, bozak lehenbailehen egitea nahi du, eta zerrenda bereiziak hobetsi ditu, independentziaren aldeko marka komun batekin.

Presidentearen zerrenda

Independentziaren aldeko hautagaitza bat baino gehiagoko formularen bat onartzekotan, gizarte zibilaren ordezkariak presidentearen zerrendan biltzeko aukera aztertzeko prest agertu zen atzo Mas, ERCko iturrien arabera. Junquerasek ez du begi onez ikusi errepublikanoek beren hautagaitza alderdiko ordezkariekin soilik osatzea, haiek ere gizarte zibilaren ordezkariak txertatuta independentziaren aldeko boto gehiago pilatzeko aukera daukatela uste baitu. Baina Masek bere zerrenda zehaztu, eta ondoko egunetan berriro biltzekotan geratu dira.

Duela astebete pasa, iazko abenduaren 27an, ANC Biltzar Nazional Katalaneko, Omnium Culturaleko eta AMI Independentziaren aldeko Udalerrien Elkarteko ordezkariekin bildu ziren Mas eta Junqueras. Akordiorik ez zuten lortu hauteskunde plebiszitarioei buruz, baina burujabetzaren aldeko hiru elkarteek formula bat jarri zuten mahai gainean: hiru zerrenda aurkeztea —Masena, ERCrena eta CUPena—, eta presidentearena izatea gizarte zibilaren ordezkari garrantzitsuenak bilduko zituena.

Formula horretara hurbiltzen da atzo Mas aztertzeko prest agertu bide zena, baina gizarte zibilaren ordezkari guztiak bere zerrendan sartuta.

Luzamendu handitan ezingo dute ibili Masek eta Junquerasek, hauteskunde plebiszitarioak martxoan egitekotan —maiatzeko udal hauteskundeen aurretik— bozetara deitzeko azken eguna urtarrilaren 27a izango baita. Eta bi aste lehenago, hilaren 13an, agerraldi bat dauka Kataluniako presidenteak, legegintzaldiaren balantzea egiteko. Urtarrilaren 19tik 23ra, gainera, aurrekontuen emendakinen eztabaida egitekoa dute Kataluniako Parlamentuan.

Azken legegintzaldian ERCk babestu ditu Masen gobernuaren kontuak, baina orain hauteskundeak aurreratzea premiazko jotzen du Junquerasek, eta, Masek urrats hori egin ezean, aurrekontuak aurrera ateratzeko babesik gabe geratuko litzateke Kataluniako Gobernua.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.
Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste
Espainiako Polizia Ukrainaren enbaxadaren ingurumarietan, atzo. ©Chema Moya, EFE

AEBen enbaxadakoei eta Pedro Sanchezi ere bidali dizkiete lehergaiak

Uxue Rey Gorraiz

Sei dira guztira atzemandako bonbak; horietatik bost azken orduetan atzeman dituzte, Espainiako Defentsa Ministerioan, AEBen eta Ukrainaren Madrilgo enbaxadetan, Zaragozako arma lantegi batean eta Torrejon de Ardoz herriko aire basean. Pedro Sanchezen aurkako bonba bat atzeman zuten azaroan. Antzeko ezaugarriak dituzte, eta agian gehiago egongo direla ohartarazi dute.

 ©ROMAN PILIPEY / EFE

Errusiak ez du onartuko Ukrainako gerra krimenetarako auzitegirik

Mikel O. Iribar

Kremlinek «ilegitimotzat» jo du Europako Batzordeak egindako proposamena. Zelenskiren arabera, sei milioi herritar daude argindarrik gabe Ukrainanan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...