Beamonen, Fosburyen eta Hinesen balentriak

Tommie Smithen eta John Carlosen keinutik harago, atletismoak eman zuen zeresana Mexikoko Olinpiar Jokoetan. John Hinesek 100 metroko munduko marka hobetu zuen. 9,95eko denbora egin zuen; Hamabost urtez izan zuen marka. Bob Beamonek metro erdi pasa ondu zuen luzera jauzikoa: 8,90eko saltoa egin zuen. 23 urte behar izan ziren hura hobetzeko. Bestalde, Dick Fosburyk zur eta lur utzi zituen guztiak, gorako jauzia atzeraka eginda. Urrea lortu zuen,2,24 metroko jauziarekin.