Albistea entzun

Andoni Ortuzarrek bertatik bertara ikusi du saioa

Berria -

2019ko abuztuak 3

Herenegun, Cayetana Alvarez de Toledo Espainiako Kongresuko PPko eledunak eta Lorena Roldan Ciudadanoseko arduradunak zalaparta eragin zuten parlamentuan. Alvarez de Toledok izan zituen fokuak batik bat, eta lehia moduko bat izan zuen ganberan Navarra Sumako Javier Esparzarekin, nork hitz gogorragoak esango gobernuaren aurka. Arratsalderako alde egin zuten Madrilerantz.

Atzo, berriz, diskurtsorik ez zegoenez, saio laburra izan zen, baina EAJren Euzkadi Buru Batzarreko Andoni Ortuzar bertaratu zen. Haren presentziak Navarra Sumako ordezkarien arreta piztu zuen, eta Carlos Perez Nievas parlamentariak osatu den gobernu berriaren «irabazletzat» jo zituen jeltzaleak. Alderdi sozialistako kideen artean, Santos Cerdan arduradunak ere bertatik bertara ikusi zuen saioa, ostegunean bezala. Jose Luis Arasti Espainiako gobernu ordezkaria ere gonbidatuen artean zegoen —ostegunean isiltzeko keinu bat egin zion Alvarez de Toledori—. Halaber, gobernu berriko hainbat kontseilari zeuden: tartean, Jose Mari Aierdi Lurralde Garapeneko kontseilari izango dena (Geroa Bai) eta Javier Remirez Lehendakaritza, Barne eta Funtzio Publikoko kontseilaria. Remirezek parte hartze zuzena izan du lau alderdien arteko negoziazioetan. Gutxi iraun zuen saioak, eta, bozketa amaitutakoan, berehala hustu zen parlamentua. Kazetariak soilik geratu ziren.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Iheslariak, 2013ko ekainean Miarritzen egindako ekitaldian. Han iragarri zuten sorterrira itzultzeko borondatea. ©GAIZKA IROZ /LE JOURNAL

BAINA BIHOTZAK DIO

Gotzon Hermosilla

Azken bost hamarkadetan, euskal iheslariena errealitate ezkutu eta ezezaguna izan da askorentzat. Mundu osoan barreiaturik egon ostean, aspaldi honetan sorterrirako bidea hartu dute haietako askok; hala ere, oraindik badaude zenbait oztopo, guztien etxeratzea galarazten ari direnak.

Iheslariak, 2013ko ekainean Miarritzen egindako ekitaldian. Han iragarri zuten sorterrira itzultzeko borondatea. ©GAIZKA IROZ /LE JOURNAL

Errefuxiatuen alderik humanoenaren bila

Ainhoa Larretxea Agirre

Sei errefuxiaturen historiak bilduko ditu 'Kaxa Hutsak' webdokak. Iheslarien alde humanora jo nahi izan dute, iheslari izateak bakoitzarentzat zer erran nahi duen adierazteko. Josu Larizen esperientzia biltzen duena dago ikusgai.
Jon Irazola, Itziar Imatz, Pello Gantxegi eta Arantxa Sasiain, Andoaingo Martin Ugalde kultur parkean. ©JON URBE / FOKU

«Hainbeste urtez egon naiz paperik gabe, Damoklesen ezpata gainean»

Jon O. Urain

Sarekadetan alde eginikoek «zortea» izan dutela; «justiziatik ihesi» joan zirela; hor zehar «aske» ibili direla. Hamaika uste ustel daude iheslari eta deportatuen inguruan, eta, mito horiek desegiteko, kolektibo horren kontrako «armategi administratibo eta errepresiboa» ikusarazi nahi dute Jon Irazolak, Itziar Imatzek, Pello Gantxegik eta Arantxa Sasiainek.
Herritar bat botoa ematen, 2019ko udal bozetan. ©Idoia Zabaleta / FOKU

Koronabirusak blaitu ditu agintaldiak

Jone Arruabarrena

Koronabirusak ezinbestean markatu du herrietako udal taldeen erritmoa azken bi urteotan. Agintaldien balantze bat egiteko asmoz, Bizkaiko, Gipuzkoako eta Nafarroako Hitzek herrialde bakoitzeko zenbait herritako alkateak elkarrizketatu dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.