Ez ditu ezkutatzen Owen Campbellek (Australia, 1987) bere musika jatorriak. «Aitak eragin handia izan zuen nigan, baina oso inportanteak izan ziren baita Bob Dylan, Van Morrison, The Band eta The Rolling Stones ere». Eta, zehazten hasita, Robbie Robertsonen taldearen garrantzia nabarmentzen du: «The Bandek jakin zuen bere soinuari aniztasuna eransten, eta nire soinuak ere countrya, soula, musika zelta eta rocka ditu. Bariazioak ditut gogoko».
Ez du berak aipatzen, baina bluesak ere pisu handia du haren obran. Eta kaleko musikarien usaina dario haren musikari, Sunshine Road (2011) lehen diskoa kaleratu zuenetik. Azkena Breathing Bullets (2016) izan zen, baina bere bost diskoetako kantuak jo eta abestuko ditu gaur Bilbon emango duen kontzertuan, banjoa, slide gitarra eta ahotsa lagun dituela.
Musika. OWEN CAMPBELL
Usain askotarikoko bluesa
Non: Bilboko BBK aretoan. Noiz: Gaur, 20:00etan.
Iruzkinak
Ez dago iruzkinik
Ordenatu