Jatorri kanadarra du King Khanek, eta orain gidatzen duen taldea sortu baino lehen hango garage taldeetan aritu zen, The Spacehits eta Kukamongasen esaterako. 1999tik, ordea, King Khan and The Shrines gidatzen du —batzuetan (His) Sensational Shrines izenarekin ere bataiatuak—, garage sutsua eta psikodelia eroa uztartu eta Berlinen kokatua dagoen banda jendetsua. Urte hauetan guztietan kide ugari igaro dira taldetik, eta badira, horien artean, soul musikaren ikonoekin lan egindakoak ere. Ron Streeter perkusionista, adibidez, Ike & Tina Turner, Bo Diddley, Curtis Mayfield, Stevie Wonder eta Al Jarreaurekin ibilitakoa.
King Khan and The Shrinesek Stax eta Motown zigilu mitikoen ondarea berreskuratzen du, betiere ikuspegi garaikide, sutsu eta hein batean zoroarekin. Dantza egiteko musika.
Musika. KING KHAN AND THE SHRINES
Psikodelia eta garagea Berlindik
Non: Miarritzeko Atabal aretoan. Noiz: Ostegunean, 20:30ean.
Iruzkinak
Ez dago iruzkinik
Ordenatu