Foruzaingoak jakinarazi duenez, 26 urteko gizonezko bat atxilotu dute Lizarran (Nafarroa), ustez andre bat bortxatu duelako. Lizarrako udaltzainei eman zien emakumeak sexu erasoaren berri, eta haiek Foruzaingoaren esku ipini zuten salaketa. Auto batean gertatu zen erasoa. Polizia zientifikoko kideek aztertu egin zuten ibilgailua erasotzaileak utzitako arrasto biologikoak bilatzeko asmoz. Ikerketa bukatutakoan, epailearen esku utzi zuten atxilotua foruzainek.
Beste gizonezko bat ere atxilotu du Foruzaingoak, genero indarkeriari lotuta: 43 urte ditu eta Iruñekoa da. Biktimaren etxebizitzara sartu da, eta epaileak ipinitako urruntze agindua hautsi du.
Gizon bat atxilotu dute Lizarran, sexu erasoa egotzita
Iruzkinak
Ez dago iruzkinik
Ordenatu
