Araba, Bizkaia eta Gipuzkoa osasun larrialditik irtengo dira gaur, eta «osasunaren zaintza eta kontrol» fase batera igaroko dira, uztailaren 12ko hauteskundeak egin ahal izateko. Hain zuzen, EAEko Babes Zibileko aholkularitza batzordearen bilera egin zuten atzo arratsaldean, eta bertan eman zen erabakiaren berri. Martxoaz geroztik, Iñigo Urkullu Eusko Jaurlaritzako lehendakaria izan da batzordearen gidari, baina azaldu dute fase honetan jada ez dagoela horretarako arrazoirik. Beraz, Estefania Beltran de Heredia Segurtasuneko sailburuak hartuko du berriz ere batzordearen ardura, haren eskumena baita.
Jaurlaritzak adierazi duenez, bi hilabetez pandemia kudeatu ostean, orain arteko egoera epidemiologikoa gaindituta dago. Horretarako, jakinarazi dute Iñaki Berraondo Osasun sailburuordeak egindako ebazpen bat izan dutela oinarri, besteak beste.
Araba, Bizkai eta Gipuzkoa osasun larrialditik at
Iruzkinak
Ez dago iruzkinik
Ordenatu