Osasunak 1-0 irabazi dio Zaragozari, eta lider da berriro

Fran Merida, lehian, atzo.
Fran Merida, lehian, atzo. J. M. / FOKU

Julen Etxeberria -

2019ko otsailak 24
Bi aste geroago, lider da berriz ere Osasuna. Iruñeko taldeak 1-0 irabazi zion atzo Zaragozari Sadarren, eta Albacetek atzo etxean Oviedorekin berdindu egin zuenez, Espainiako Bigarren Mailako sailkapenaren buruan dago berriro. Malagak gaur Deportivori etxean astindua eman ezean, lider izango dira gorritxoak jardunaldia bukatutakoan ere.

Osasunak berriro erakutsi zuen gotorleku bilakatu duela Sadar, eta bederatzigarren aldiz jarraian irabazi zuen bertan. Ez da daraman bolada bikain bakarra, jokoan egon diren azken hemezortzi puntuetatik hamasei lortu baititu. Horri esker dago sailkapenaren buruan.

Juan Villarrek eman zion berriz ere garaipena Osasunari. Aurrelariak denboraldiko bere bederatzigarren gola sartu zuen, Roberto Torresek adina. 71. minutuan egin zuen, Zaragozaren area barruan eskuineko oinarekin dotore jaurtita. Zaragozak azken ahalegina egin zuen, eta estutu egin zituen etxekoak azken txanpan. Baina ez zuen helburua lortu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna