Albistea entzun

Koronabirusa

Intzidentzia tasa ehundik beherakoa da Hego Euskal Herriko lau lurraldeetan

Beste 133 kasu detektatu dira Hegoaldean. EHUk, MUk eta Deustuk aurrez aurre emanen dituzte eskola denak urri erdialdetik aurrera
Herritarrak paseoan, Hernaniko (Gipuzkoa) kale batean.
Herritarrak paseoan, Hernaniko (Gipuzkoa) kale batean. JON URBE / FOKU Tamaina handiagoan ikusi

Uxue Rey Gorraiz -

2021eko irailak 25

Birusaren kutsatze maila neurtzen duten aldagaiak uztail bukaeratik doaz maldan behera Hego Euskal Herrian, ia etenik gabe, eta, hain zuzen, beheranzko joera hori argiki erakusten du intzidentzia tasa metatuak. Azken hamalau egunetan 100.000 biztanleko zenbat kasu detektatu diren adierazten du tasa horrek, eta mugarri bat erdietsi da berriki: tasa ehundik beherakoa da Hegoaldeko lau lurraldeetan. Duela bi egun, Bizkaian eta Gipuzkoan tasa ehundik gorakoa zen oraindik, baina, azkenik, behera egin zuen atzo. Datuen apaltzea bistakoa da. Konparazio bat egite aldera, uztailaren 30ean tasa seiehundik gorakoa zen lau herrialdeetan. Are, Nafarroan, Bizkaian, eta Gipuzkoan, zortziehundik gorakoa zen.

Oraintxe bertan, kopuruak bi zifrakoak dira guztietan. Hegoaldeko osasun sistemek emandako azken datuen arabera, tasa 99,9 da Bizkaian; Gipuzkoan, 99,1; Araban 86 kutsatu izan dira 100.000 biztanleko azken bi asteetan, eta Nafarroan, berriz, 67.

Bestalde, herenegun egindako testei buruz argitaratutako informazioak ere agerian uzten du pandemiaren bilakaera onbidean dela. Osakidetzak eta Osasunbideak COVID-19a atzemateko 7.308 proba egin zituzten ostegunean, eta horien guztien %1,8k eman zuten positibo: 133k, alegia. Lurraldez lurralde, Bizkaian 50 izan ziren; Gipuzkoan, 42; Nafarroan, 23, eta Araban, 16.

Halaber, Nafarroako Gobernuak eta Eusko Jaurlaritzak jakinarazi zuten herenegun 25 lagun erietxeratu zituztela birusarekin eri. Horiek aintzat hartuta, oraintxe bertan 192 daude Hegoaldeko zentroetan. Zehazki, 59 ZIU zainketa intentsiboetako unitateetan daude. Hego Euskal Herrian azken bi hilabeteetan erregistraturiko zenbatekorik apalena da hori. Gainera, Gipuzkoako Foru Aldundiak jakinarazi du herrialdeko zahar etxe bateko egoiliar bat hil dela gaitzak jota.

Presentzialtasuna, urrian

Orain hilabete, EHU Euskal Herriko Unibertsitateak, Mondragon Unibertsitateak eta Deustuko Unibertsitateak iragarri zuten eskolak aurrez aurre eta online emanez hasiko zutela ikasturtea. Halere, denak aurrez aurre ematea jarri zuten asmotzat. Orain, xedea lortu dutela iragarri du Eusko Jaurlaritzak: urriko lehen hamabostalditik aurrera, erabateko presentzialtasuna berreskuratuko dute. Jokin Bildarratz Jaurlaritzako Hezkuntza sailburua hiru unibertsitateetako errektoreekin bildu zen atzo; orduan hartu zuten erabakia. Adierazi dute ikasturtea «ahalik eta normalen» igaro nahi dutela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Elhadji Ndiaye omentzeko ekitaldia, Iruñeko Arrotxapea auzoan, iaz. ©JESUS DIGES / EFE

ESPALOIAN ITOTAKO BIZITZA

Ion Orzaiz

Duela bost urte, 2016ko urriaren 25ean, Elhadji Ndiaye senegaldarra zendu zen, Espainiako Poliziaren zaintzapean, Iruñean. Atxiloketa bortitz baten ostean konfirmatu zuten hila zela. Poliziaren jokabide arrazisten ondorio dela uste dute Ndiayeren lagunek eta gobernuz kanpoko erakundeek.
Egonkorrak bilakatu dira Ipar eta Hego Euskal Herriaren artean Frantziako indar armatuek egiten dituzten kontrolak. ©BOB EDME

Sistemaren belauna lepoan

Oihana Teyseyre Koskarat - Jone Arruabarrena - Ion Orzaiz -Javi West Larrañaga

Migratzaileen aurkako jazarpena fenomeno orokortua da Euskal Herrian. Adituek eta gobernuz kanpoko erakundeek salatu dute Poliziak «sistematikoki» erabiltzen duela bortxa pertsona arrazializatuen aurka.
 ©BERRIA

«Polizia, nahitaez, giltzarri da gizarte arrazista iraunarazteko»

Maite Asensio Lozano

Segurtasunaren zein mehatxuen inguruan zabaltzen diren ideiak «eraikuntza politikotzat» dauzka Douhaibik; horrekin lotu ditu kolektibo arrazializatuen aurkako kriminalizazioa eta jazarpen poliziala.
 ©BERRIA

«Behartu nahi gaituzte Poliziaren aurrean behera begiratzera»

Ion Orzaiz

Modou Faye, 'Beltxa'. Senegal atzean utzita, Iruñera iritsi zen duela urte asko. Paperak ditu orain, Africa United elkarteko burua da, baina horrek ez du Poliziaren jazarpenetik libratu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.