Noiz sortua: 2018-12-12 00:30:00

Egin dezagun klika!

Mertxe Mugika, Asier Amondo - Hurrenez hurren AEKren koordinatzaile nagusia eta 21. Korrikaren arduraduna

2018ko abenduak 12
Abenduaren 3an ospatu genuen Euskaraldiaren agurreko jaieguna, Euskararen Egunean, eta dagoeneko inork ez du auzitan jartzen hizkuntza-ohiturak aldatzeko inoiz egin den ariketarik masiboena izan dela. Euskal Herri osoan barreiatuta dauden 400 herrik baino gehiagok eman zuten izena ekimenean, eta, ondoren, 220.000 ahobizi edo belarriprest, 11 egunean txapa soinean jarrita, euskaraz bizitzeko ahaleginetan aritu gara. Are gehiago, gure hizkuntzaren erabilerari buruz hausnartu eta eztabaidatu dugu, bai eta horretan jarraitzeko beharra aipatu eta aldarrikatu ere.

Halaber, elkarlana izan da, besteak beste, ahalduntzeko ariketa honen arrakastaren gako garrantzitsu bat. Elkarlana, alde batetik, ahobizi eta belarriprest izan garenon artean, elkarrekin saiatu baikara inertziak apurtzen. Elkarlana, beste alde batetik, administrazioaren eta herri-ekimenaren artean, zubi berriak gurutzatu, bat egin eta elkar aitortu baitugu. Biak dira elkarlanaren adibide bikainak, jarraipena behar dutenak, bai horixe!

Euskaraldia bukatu eta hurrengo egunean, erakundeetako eta euskalgintzako eragileok elkarrekin egin genuen balorazioa, eta denon aurpegietan zein ezpainetan nabarmena zen irribarrea, eta aurrera egiteko gogoa ere bai. Askoren ustez, bide oparoa dugu aurretik, eta horrek eragiten dizkigu, hain zuzen, poza eta ilusioa: batetik, ahobiziak eta belarriprestak ugaritzeko aukerak daudelako; bestetik, erakundeen eta gizarte-eragileen arteko benetako elkarlana gauza daitekeela egiaztatu dugulako.

Bestalde, pozik irakurri dugu entitateak izango direla ardatza hurrengo Euskaraldian. Gure ustez, norbanakoen hizkuntza-ohiturak aldatzeko bide honetan, bada garaia hizkuntza-portaerak babestuko dituzten neurriak abiatzeko.

Herri-gogoa egon badago, herritar askok Klika egin dugu: gogoeta eta portaera-aldaketa eragin dituen Klik bikoitza. Klika da, hain zuzen ere, 21. KORRIKAk barreiatuko duen leloa. Izan ere, klika egitea aukera bat hartzea da, euskararen aukera, hautu hori egitea; Klika egitea da herritar guztien hizkuntza-eskubideak bermatzeko neurriak hartzea.

20. KORRIKAn, Santiagoko Zubian irudikatu genuen oparoa izaten hasi den zubigintza; elkarri eskua eman, eta euskararen lekukoa eskuz esku eraman genuen helmugaraino, beste dinamika batean murgildu behar ginela azpimarratu genuen. Euskaraldiak erakutsi digu, argazkiaz harago, badugula ekimen bat elkarrekin egitea. Sinergia —eta indar— batuketa itzela gertatu da azken urteotan, eta, orain, hori guztia esparru politikora eta konpromisoetara eraman behar da.

Datozen hilotan, egongo da aukera bide beretik aurrera egiteko. 21. KORRIKAren atarian, zubigintzatik konpromisoetara jauzi egitea aldarrikatu nahi dugu, alegia, euskararen hurrengo fasea klikatzea, aktibazioarena, euskara unibertsala bihurtuko duena. Euskal Herria kontzientziatuta dago euskarari dagokionez, eta sortu du euskal komunitatea. Euskararen aroan gaude; orain da unea hizkuntza-politika integrala abiatzeko eta garatzeko. Izan ere, euskararen alde egoteak, horrek bakarrik, ez gaitu eramango normalizaziora; benetako normalizazioa erdietsiko badugu, neurri politikoak hartu behar dira.

Klika da aukera; egin dezagun hautua eta bihur ditzagun egia ameskeriak izan daitezkeenak. Klika eginez gero, gerta liteke, 2019ko neguaren atarian, adibidez, EiTBko talde osoak 11 egunez programazioaren zatirik handiena euskaraz eskaintzea, edota kazeta nagusietan euskarazko orriak ugaritzea, herri eta hirietako kultur egitarau osoa euskaraz izatea, kiroldegietako ikastaroak euskaraz egiteko aukera edukitzea, gastronomia-elkarteetako bilerak euskaraz egitea, enpresetan eta administrazioko edozein bulegotan lehenbiziko hitza euskaraz egitea eta halaxe jarraitu ahal izatea, administrazio nagusietan hizkuntza-eskakizunak ezarrita izatea, helduen euskalduntzea doakoa izatea, Nafarroako zonifikazioa desagertuta egotea, Iparraldean euskara ofiziala izatea, etorkizuneko belaunaldien euskalduntzea bermatuta izatea, euskara erdigunean egotea...

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 5ean eguneratua, 14:00etan. ©

Koronabirusaren azken datuak

Berria

Euskal Herrian 11.701 gaixok eman dute positibo koronabirusaren proba eginda. 693 hil dira. COVID-19 gaitza izandako 3.709 pertsonari eman diete alta. Grafikoak, albiste barruan.

Iñigo Urkullu lehendakaria, bideokonferentzia batean. ©Irekia

Iñigo Urkulluk «normaltasunera bueltatzeko plan bat» eskatu du

Berria

Eusko Jaurlaritzako lehendakariak babesa adierazi dio Pedro Sanchez Espainiako Gobernuko presidenteak alarma egoera apirilaren 26ra arte luzatzeko egindako eskaerari. Ekonomiaren jarduera etetean «malgutasunez» jokatu izana eskertu dio.

Nafarroako erietxeko langileak, txalo jotzen, iragan asteazkenean. ©Idoia Zabaleta / Foku

Sanchez aztertzen ari da sintomarik gabeko gaixoak kiroldegietan bakartzea

Berria

Pedro Sanchezek bilera bat egin du autonomia erkidegoetako presidenteekin, eta azpiegituren zerrenda bat eskatu die hilaren 10erako, atzemandako kasu positibo asintomatikoak kokatzeko. Adierazi die milioi bat test banatuko dituela «detekzio goiztiarrerako».

Arnaldo Otegi EH Bilduko koordinatzaile nagusia, artxiboko argazki batean. ©Andoni Canellada / Foku

Otegirentzat, Moncloako Itun berriek «eskubide sozialak eta ekonomikoak urratzea» eragingo lukete

Berria

EH Bilduk astelehenean erabakiko du alarma egoera luzatzeari buruzko jarrera. Dena dela, orain artekoarekin «koherentea» izango dela esan du Arnaldo Otegik. Aurreko aldietan abstentziora jo dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna