Noiz sortua: 2018-02-07 00:30:00

«Eredu justuago baten alde», greba feministara batu da gehiengo sindikala

Lau orduko lanuzteen deiak erregistratu dituzte ELA, LAB, Steilas, ESK, Hiru eta EHNEk. Mobilizazioetan parte hartzera deitu dute sindikatuek
Sindikatuetako ordezkariak, greba feministako lanuzte deialdia erregistratu aurretik.
Sindikatuetako ordezkariak, greba feministako lanuzte deialdia erregistratu aurretik. MARISOL RAMIREZ / ARGAZKI PRESS Tamaina handiagoan ikusi

Jon Ander De la Hoz -

2018ko otsailak 7

Euskal Herriko mugimendu feministak Martxoaren 8rako deitu duen greba feministarekin bat egin du gehiengo sindikalak. ELA, LAB, Steilas, ESK, Hiru eta EHNE Bizkaiak atzo erregistratu zituzten egun horretako lanuzteetarako deiak Bilboko Lan Ordezkaritzan, eta gauza bera egingo dute gaur Iruñean. Lau orduko lanuzteak iragarri dituzte martxoaren 8rako, goizez eta arratsaldez egiteko: 11:00etatik 15:00etara, eta 18:00etatik 22:00etara. Enplegu grebaz gain, zaintza lanen, ikasketen eta kontsumo praktiken grebara ere deitu dute. Sindikatuek bat egin dute mugimendu feministaren deialdi horrekin, eta Emakumeok* Planto lelopean antolatu dituzten mobilizazioetan parte hartzeko deia egin dute.

ELA sindikatuko ordezkari Leire Txakartegiren esanetan, arrazoi asko dituzte greba egiteko: «Erakutsi nahi dugu sistema honek ez duela funtzionatzen emakumeon ekarpenik gabe». Horregatik, gizarte eredu justuago bat galdegin du; gogorarazi du batez beste gizonezkoek baino 7.500 euro gutxiago jasotzen dituztela emakumezkoek urtean ordainsarietan, eta «prekaritate tasa handiagoa» pairatzen dutela. Horiez gain, greba egiteko arrazoi gehiago ere baditu Txakartegik: «Enplegu arloko arrazoiei indarkeria matxista eta arlo pribatuko zaintza lanak gehitu behar zaizkie. Zaintza lanek ez dute inolako aitorpenik».

Garbiñe Aranburu LABeko idazkari nagusiak ere greba egiteko arrazoi asko daudela pentsatzen du: «Sistema kapitalista, heteropatriarkal eta arrazista honek zapalkuntza hirukoitza inposatzen du: klase, genero eta arrazaren araberakoa». Haren esanetan, sexuaren eta arrazaren araberako bereizketa gertatzen da lan produktiboak eta erreproduktiboak banatzeko orduan, eta «emakumezkoen ardurapean uzten ditu zaintza lanak, sistema honek bigarren mailan uzten dituenak».

«Eredu jasanezin hori» bazterrera utzi behar dela esan du LABeko idazkari nagusiak, eta gogorarazi du lanuzte horiek «bete-betean» bat egiten dutela LABek bere azken biltzar nagusian egindako gogoetekin eta haren ostean hartutako erabakiekin.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Brasiliako dendetako langileak, COVID-19 proba egiteko ilaran. ©Joedson Alves / EFE

5,6 milioi gaixotu dira munduan, eta 350.000 baino gehiago hil

Berria

Munduan 5.594.175 kasu positibo baieztatu dituzte, eta 350.531 lagun hil dira COVID-19aren eraginez. Oraindik ez dira sendatu kutsatutakoen erdiak ere. Johns Hopkins Unibertsitatearen arabera, 2.288.579 dira sendagiria jaso dutenak.

Ursula von der Leyen, artxiboko irudian, ©OLIVIER HOSLET / efe

Bruselak 750.000 milioi euroko funtsa proposatu du

Iker Aranburu

500.000 milioi laguntza zuzenak izango lirateke, eta beste 250.000 milioi, maileguak. Ekonomia «modernizatzea» izango da dirua jasotzeko baldintza.

Christine Lagarde, artxiboko irudian. ©Armando Babani / Efe

Aurreikuspenik baikorrenak ahazteko eskatu du Lagardek

Iker Aranburu

Uste du euroguneko ekonomia %8-12 eroriko dela aurten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna