Albistea entzun

Koronabirusa

Basurtuko agerraldiak bederatzi gaixo berri eragin ditu ospitaletik kanpo

Erlijio kongregazio bereko kide dira haietako sei, eta beste hirurak, eri bati bisita egin zion pertsona baten senideak. Denak bakartuta daude
Gizon bat Basurtuko ospitaleko pabiloietako batean sartzen.
Gizon bat Basurtuko ospitaleko pabiloietako batean sartzen. MARISOL RAMIREZ / FOKU Tamaina handiagoan ikusi

Imano Magro Eizmendi -

2020ko ekainak 21

Basurtuko ospitaleko (Bilbo) koronabirus agerraldia eraikineko mugetatik kanpo zabaldu da, bederatzi kasu berrirekin. Nekane Murga Eusko Jaurlaritzako Osasun sailburuak atzo azaldu zuenez, bertan bisitan egondako bi pertsonek euren gertuko eremuetan kutsatu berriak eragin dituzte. Batek erlijio kongregazio batean zabaldu du, bertan bizi baita; eta PCR proben arabera, sei pertsona kutsatu ditu. Besteak bere familia inguruko hiru kide kutsatu ditu. Guztiak bakartuta daude egun. Ospitaleari dagokionez, ez da kutsatu berririk egon langile edota pazienteen artean.

«Egin beharrekoa egin dugu. Kontaktu guztiak bakartu ditugu eta gaixoak aurretik detektatzen saiatzen ari gara PCR proba bidez». Murgak horrela eman zuen azaltzera agerraldi berri horiek kontrolpean dituztela. Kongregazio erlijiosoan, esaterako, 110 PCR proba egin dituzte bi txandatan. Aurrenekoan, bi kasu azaleratu ziren, eta hurrengoan, lau. Beste agerraldiaren sorburua Basurtun ospitaleratutako gaixo baten senide bat da. Txagorritxu Gasteizko ospitalean egondako agerraldiaren inguruan, «kontrolpean» dagoela esan zuen, eta egunak direla kasu berririk ez dagoela.

Erietxe horietatik kanpo, azken orduetan 24 pertsonak eman dute positibo PCR probekin Hego Euskal Herrian: Bizkaiko bederatzi horiez gain, zortzi kasu berri atzeman dituzte Nafarroan, lau Gipuzkoan eta hiru Araban. Hala ere, ez da hildakorik izan. Test azkarrak deritzenei erreparatuz gero, 49 kasu berri daude EAEn —ez dago Nafarroako eta Iparraldeko daturik—. Proba horrek hartutako immunitatea edo pertsona batek sortutako antigorputzak neurtzen ditu, eta iraganeko infekzio bat adieraz dezake.

Araba, Bizkaia eta Gipuzkoa atzo goizaldean sartu ziren «normaltasun berrian» —Nafarroa gaur sartuko da—, eta Murgak lehen orduen balorazio positiboa egin zuen. Hala ere, zuhurtzia eskatu zien beste lurralde batzuetara joango direnei. «Distantzia gordetzea, eskuak garbitzea eta maskara erabiltzea dira oinarrizko neurriak. Birusa hedatu dadin eragozteko gakoa keinu txikietan dago». Beste herrialde batzuetan agerraldi berriak sortu direla eta, sailburuak ohartarazi zuen hemen ere gerta daitekeela: «Birusak edozein aukera baliatzen du berriz ere indarrez agertzeko».

Murgarekin batera Jon Iñaki Betolaza Jaurlaritzako Farmazia zuzendaria agertu zen, eta hark jakinarazi zuen gaixo kronikoei botikak etxera eramateko programa bukatu egin dela. Aurrerantzean espresuki eskatzen dutenek soilik jasoko dituzte. Eskatzeko bideak orain arteko berak dira: 012 laguntzarako telefonoaren edo gaixoek erabiltzen duten ohiko farmaziaren bitartez.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Koronabirusaren biktima bat lurperatzen, Brasilgo Manaos eskualdeko Nossa Senhora Aparecidako hilerrian. ©Raphael Alves / EFE

Izurria hasi zenetik hiru milioi lagun hil eta 139 milioi kutsatu dira mundu osoan

Ion Orzaiz

Egun bakarrean 600.000 kutsatze eta 12.000 heriotza izan direla jakinarazi du Johns Hopkins unibertsitateak. OMEk ohartarazi du transmisio tasa «gorenean» dela

 ©MONIKA DEL VALLE / FOKU

«Oraindik ere aldarrikatu behar dugu prostituten duintasuna»

Maite Asensio Lozano

35 urtez prostitutekin Bizkaian egindako lanaren aitortza gisa, Berdintasunaren Aldeko Emakunde saria jasoko du elkarteak astelehenean. Santorcuatok ohartarazi du prostituzioaren oraingo moldeek gero eta ikusezinago egiten dituztela andreak.
Ertzainen kontrola Donostiako irteera batean. ©GORKA RUBIO / FOKU

Izurriaren aurkako neurriak hartzeko bermeen eskea egin du berriz Urkulluk

Arantxa Iraola

Esan du egungo zalantzei ezin zaiela erantzun «ezerezarekin». Madrilek alarma egoera luzatzeko era ikusten duela azaldu du Txibitek

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna