Lanbideren errezeta: lanaldiak eta soldatak jaistea

Ziur aski gazteen lan merkatuari buruzko txostenaren elementurik deigarriena gomendioen azken paragrafoan dator. Egileen ustez, dagoen enplegu guztia populazio aktiboaren artean banatu beharko litzateke, herritar guztiek lan egin eta ekonomikoki independenteak izate aldera. Hala, epe ertain edo luzera lanaldi osoa bospasei ordura eta murriztua bizpahiru ordura jaitsi beharko lirateke. Ez daude kezkatuta horren ondorioz ordaina murriztearekin: «Urte batzuk igarota, prezioak automatikoki egokituko lirateke jasotako soldaten arabera», argudiatu dute.