Albistea entzun

IRITZI BILKETA

Berria -

2015eko uztailak 16

«Legea abstraktua da askotan; hobea da gauza errealak aldarrikatzea»

Mikel Bujanda Kazetaria

Euskalerria Irratian oraindik ez dutela gaiari buruzko irakurketa bateraturik egin esan du Iruñerriko euskarazko irratiko zuzendariak. «Nire iritzi pertsonala da hau». Lanerako abiapuntu egoki bat ikusten du akordioan euskararako. Igaro urteotan UPNk euskararen kontra izan duen jarrera argiaren ondoren —«gorrotoa» erakutsiz gobernatu dutela dio— , beste aro baten hasierarako ondo ikusten du testu berria. «Jokaera aldatze hutsarekin, eta bidegabekeriak zuzenduta, badago nahiko eremu lanerako», azaldu du. Euskararen lege berri baten aldeko urratsik egin ez bada ere, uste du egungo araudi barruan, pitinka, egin daitezkeela urrats nabarmenak euskararen alde. «Legea da askotan gauza abstraktu bat; hobea da gauza errealak aldarrikatzea».

«Ez da ulertzen hainbat urtez kritikatua izan den lege bat ez aldatzea»

Paul Bilbao Kontseilua

Akordio programatikoko puntuak leitzean baikortasunerako motibo asko ikusi zituela ez du ukatzen Euskararen Gizarte Erakundeen Kontseiluko idazkari nagusi Paul Bilbaok. «Elementu interesgarriak daude. Hau guztia betetzen bada, aldaketak egongo dira». Euskararen Legea bazterrera utzi eta euskararen ofizialtasuna Nafarroa osora hedatzeko desadostasunak izan direla jakiteak, ordea, arrangura eragin dio. «Ezin da ulertu Nafarroako herritar guztiei eskubide berdinak aitortuko dizkien lege bat ez abian jartzea; ulertezina eta kezkagarria da. Zein arazo egon daiteke herritar guztiei eskubide berdinak aitortzeko? Ez da ulertzen hainbat urtez kritikatua izan den lege bat ez aldatzea». Pitinka-pitinka joan beharra ulertzen du. «Badakigu politika epekakoa izango dela, goizetik gauera ezin da aldatu». Baina eskubideen aitortzan jarrera irmoagoa nahiko luke.

«Hemeretzi puntuetan aldaketa esanguratsu eta egokiak daude»

Helios del Santo AEK

2012ko urritik zentimo bakar bat ere jaso gabe. Halaxe utzi ditu igaro urteotan gobernuak Nafarroako AEK eta IKA sareetako euskaltegiak. Horregatik, akordioan euskaltegiei berehala laguntza ematen hasi eta finantzaketa iturriez berriro mintzatzen hasteko jasotako asmoa «begi onez» hartu dutela azaldu du Nafarroako AEK-ko eledun Helios del Santok. Ituna, oro har, aintzat hartzekoa iruditzen zaio. «Hemeretzi puntu horietan aldaketa esanguratsu eta egokiak daude. Argi dago ez dela nahikoa, baina ibiltzen hasteko egokia da», adierazi du. «Arkitektura juridikoari dagokionez aurrerapauso nabarmenik ez dago, herren geratu da. Baina jardun politikoa ere garrantzitsua da, eta horretatik, esango nuke asko dagoela». Ongietorria izango da: «Arnasa behar dugu».

«Arnasguneak aipatu izana aurrera urrats handia da guretzat»

Maren Belastegi Uema

Udalerri Euskaldunen Mankomunitate Uemako ordezkariek, bereziki, akordio programatikoaren 17. puntuari erreparatu diote. «Euskararen ezagutza handi eta erabilera orokortuko» espazioei egin diete bertan erreferentzia, alegia, haien izenik esan gabe, arnasguneei. Eta udalerri euskaldunentzat azkenaldian jardunerako oinarri bihurtu den kontzeptu hori paper zuriaren gainean idatzita ikusteak bereziki poztu ditu Ueman. «Arnasguneak aipatu izana aurrera urrats handia da guretzat», onartu du mankomunitateko lehendakari Maren Belastegik. Igaro urteotan Nafarroako Gobernuarekin harremanak ia ezdeusak izan direla adierazi du, eta «elkarlanerako» abiapuntu berri bat nahi dute legealdi berrian. «Faseka» egin beharreko prozesu baten ernamuina ikusi dute akordioan; eta begi onez hartu dute, oro har. «Jartzen duten dena betetzen badute, gaizki ez goaz».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iñaki Larramendi, gaztetako irudi batean. ©Berria

Iñaki Larramendi hil da, ETAren sortzaileetako bat

Julen Aperribai

Ekinen sorreran ibili zen, Bilbon, Txillardegi, Albisu, Gantzarain, Benito del Valle eta beste zenbaitekin batera. EGIrekin erabat hautsi, eta ETAren eratze batzarra egin zuten 1958an, Deban.

Erraldoiak San Fermin Txiki jaien txupinazoan, iragan ostiralean. ©Iñigo Uriz / FOKU

Iruñeko Udalak laguntza kendu dio Alde Zaharreko jai batzordeari

Berria

San Fermin Txiki jaietan egindako euskal presoen eskubideen aldeko ekitaldi bat erabili du argudio moduan. Jai batzordeak, hortaz, itzuli egin beharko du jasotako dirua. 5.791 euroko laguntza esleitu zion udalak.

Ezkerretik, Ana Viñals eta Eneritz Madariaga. ©Monika del Valle / Foku

Eneritz Madariaga, Ahal Dugu-ren primarioetara Bizkaiko ahaldungai nagusi izateko

Gotzon Hermosilla

Ana Viñalsek ere hautagaitza aurkeztuko du Bilboko alkategai izateko

Joan den martxoan egin zuten desanexioari buruzko herri galdeketa Usansolon. ©ARITZ LOIOLA / FOKU

Usansolo desanexioa gauzatzeko azken txanpan dago

Gotzon Hermosilla

Usansolo desanexioa gauzatzeko azken txanpan dago; Bizkaiko Batzar Nagusietan auziaz egin beharreko bozketaren zain, herritarrak «ilusioz» daudela azaldu dute Usansolo Herria plataformako bozeramaileek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...