Bernie Gunther detektibearen aita Phillip Kerr idazle eskoziarra (Edinburgh, 1956) joan den ostegunean hil zen, 62 urte bete berriak zituela, eta minbiziaren ondorioz. 1930eko hamarkadako Alemania nazian girotu zuen Guntherren lehendabiziko trilogia (Berlin Noir), eta genero beltzeko sail horren arrakastak eta oihartzunak bultzatuta, beste hamar eleberri idatzi zituen pertsonaia berean oinarrituta. Gunther ezkerreko ideiak dituen polizia izan da, baina naziek bota egin dute lanpostutik, eta detektibe pribatu gisa hasi beharko du lanean. Paradoxikoki, III. Reicheko buruzagientzat lan egin beharko du derrigor.
Guntherren saila ez ezik, beste hainbat nobela ere idatzi zituen: A Philosofical Investigation, Esau, Hitler's Peace....
HILBERRIA. Phillip Kerr
Bernie Gunther detektibearen sortzailea
Iruzkinak
Ez dago iruzkinik
Ordenatu
