Sukaldaritza beltzik ez zerrendetan

Munduko jatetxe onenei buruzko sailkapenak arbitrarioak dira. Arbitrarioak bai, baina gauza batzuen erakusle ere bai. Munduko 50 jatetxe onenen sailkapenean, afrikar bakarra dago: Lurmutur Hiriko The Test Kitchen, Hegoafrikan. Luke Dale-Roberts sukaldari ingelesak zuzendua. Afrikako jatetxerik ez, sukaldari afrikarren batek zuzendutakorik ez, eta ezta sukaldari beltzik ere. Karibe itsasoak bustitako herrialdeak aintzat hartuz gero, Mexikoko eta Kolonbiako bana. Brasilgo bat ere badago. Hala eta guztiz ere, zerrendaren arduradunek diote munduko sukaldaritzaren aniztasuna islatzen dutela, 2002tik. Michelin gidak Afrika ez du aintzat hartzen, eta, beraz, hango jatetxeek ez dute izarrik jasotzen.