Albistea entzun

Durangoko 56. Azoka. Ana Morales eta Goizalde Landabaso. Itzultzailea eta idazlea

«Sortzailea hari honetan alderik makalena da, maiz zaintzen ez dena»

Lagunak dira Morales eta Landabaso; biak Bilbotik etorri dira Durangora. Morales saltzera etorri zen lehenengoz, eta Landabaso, umea zela. Urte osoan erosten ez dituzten bitxikerien bila etortzen dira gaur egun.

LARA MADINABEITIA / BERRIA Tamaina handiagoan ikusi

Andoni Imaz -

2021eko abenduak 7 - Durango

Biek atzo zuten lehen eguna aurtengo azokan. Baita azkena ere. «Maskararekin ez, kaputxa batekin etorri beharko ginateke, ezagunen aurrean erosi beharraren presiorik ez izateko», bota du Ana Moralesek olgetan-benetan (Bilbo, 1969). Irri artean batu da haren planera Goizalde Landabaso (Bilbo, 1970).

Nola heldu zineten Durangoko Azokara lehenengoz?

ANA MORALES: Uste dut euskal filologia ikasten nenbilenean izan zela, lehengo lekuan zegoenean. Saltzera etorri nintzen, Enseiucarrean literatura eta hizkuntza aldizkaria egiten baikenuen. Ez genuen erakusmahairik, Deustuko Unibertsitateak ez zeukalako, eta mahai batekin jarri ginen kalean.

GOIZALDE LANDABASO: Seguruenik ikastolarekin etorriko ginen ikasle egun batean. Gurasoek ere ekartzen gintuzten.

Zerrenda eginda etorri zarete?

LANDABASO: Liburu ia denak izaten ditut, eta gustatzen zait diskoak ikustea; beti dago zerbait diferentea, azokan besterik saltzen ez dena.

MORALES: Ni kuxkuxeatzera etortzen naiz, bereziki ezohiko gauzak aurkitzea espero dezakedan lekuetara: Labayru, Euskaltzaindia... Liburu zaharrak, kasik agortuta daudenak bilatzera.

Baina bat azokari?

LANDABASO: Hotza [barrez]. Euskal kulturarekin harremanik ez duten askorentzat lehen kontaktua izaten da mundu horrekin. Maitasuna bezala da: ez da iazkoa, ezta datorren urtekoa bezalakoa ere.

MORALES: Niri gainez egiten dit batzuetan; gauza gehiegi dago, eta antsietatea sartzen zait. Denda digitala sekulako berrikuntza da.

Zertan egin da aurrera kultur komunitate gisa?

LANDABASO: Zentimetroka, batzuetan milimetroka, baina bagoaz aurrera. Ni arduratuta nago sortzaileekin batez ere. Uste dut hari honetan alderik makalena dela, askotan ahaztu egiten dena eta zaintzen ez dena.

MORALES: Esango nuke sare sozialen bidez euskal komunitateak aurrera egin duela kohesioan. Ingurune erdaldunetan bizi diren askok bigarren familia bat topatu dute. Pertenentzia areagotu da.

Bina ale aurtengo azokatik.

LANDABASO: Nabarmenduko nuke emakume gazte poetek erakusten duten maila: Itziar Ugarte, Lizar Begoña, Leire Vargas... Uste dut hori pozteko arrazoi nagusi eta sakona dela. Bestalde, gauza batek atentzioa eman dit: Kai Nakaik kasete formatuan atera du bere artefaktu musikal berria.

MORALES: Jakinguraz beteta nator. Badakit arretaz begiratuko dudala Eider Rodriguezen Eraikuntzarako materiala, eta Harkaitz Canoren Kandelikara-k ere piztu dit jakingura.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arte eszenikoen dFeria jaialdiaren antolatzaileak eta sustatzaileak, atzo, Donostiako Viktoria Eugenia antzokian egindako aurkezpenean. ©IÑIGO URIZ / FOKU

Oreka izango du ardatz aurtengo dFeria jaialdiak

Alex Uriarte Atxikallende

Arte eszenikoen jaialdia martxoaren 14tik 17ra bitartean egingo dute, Donostiako hainbat agertokitan. Festibala hasi baino bi egun lehenago, ‘pre-feria’ izeneko egitarau berezia izango da.
Leire Vargas, Aner Peritz, Haizea Arana eta Oihana Arana, <em>Erre</em> emanaldiaren sortzaileak. ©LANKU

Kategoriak arrakalatzera

Ane Eslava

Leire Vargasek, Aner Peritzek, Oihana Aranak eta Haizea Haranak 'Erre' saioa estreinatuko dute otsailaren 5ean. Lankuk ekoitzi du
Lautan Hiru jaialdiaren antolatzaileak, gaur, Bilbon. ©Marisol Ramirez / Foku

Lautan Hiru antzerki jaialdia egingo dute laugarrenez Bilboko Zazpikaleetan

Olatz Enzunza Mallona

Euskaltzaindiak, Cafe Bar Bilbaok, Zazpi Katu gaztetxeak eta Bira kulturguneak antolatu dute egitaraua, elkarlanean, eta otsailaren 3an abiatuko da.

Antso Jakituna erregea eta Benjamin Tuterakoa bidaiaria elkarrizketan, Tuterako gazteluko ganberan. ©IÑAKET

Mundua Tuteratik zeharkatzea

Iñigo Astiz

Mikel Begoña gidoigileak eta Iñaki Martinez 'Iñaket' marrazkilariak XII. mendeko Nafarroa multikulturala irudikatu dute 'Benjamin Tuterakoaren bidaia aparta' komiki liburuxkan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.