OSAGAIAK
4 LAGUNENTZAT
2 pipermorro.
400 g bakailao garbi.
2 patata.
Esne gaina eta esnea.
Ziazerba hosto batzuk.
4 baratxuri ale.
Gatza.
Oliba olioa.
1
Labea berotzen ipini, eta, piperrak labeko erretilu batean jarri ondoren, labean sartu. Hogei bat minutu eduki.
2
Atera, eta epeltzean, azala kendu eta zerrendatan moztu. Gorde.
3
Patatak zuritu, eta pusketa txikitan moztu. Lapiko txiki batean ipini, eta baratxuri zurituak osorik gehitu.
4
Esne basokada bat eta baso erdi bat esne gain gehitu. Gatz pitin bat eta olio oliba tanta batzuk gehitu. Ondoren, irakiten jarri taparik gabe, 30 minutu.
5
Bakailaoa gehitu, eta beste hamar minutu egosi.
6
Jarraian, osagai horiek guztiak irabiagailuarekin birrindu. Hala, krema gozo bat lortuko dugu; horri esaten diogu brandada.
7
Piperrak zartagin batean ipini, eta su motelean berotzen jarri, oliba olio eta gatz pitin batekin.
8
Labeko erretilu batean ziazerba hostoak jarri, banan-banan zabalduak. Bakoitzaren gainean koilarakada bat brandada jarri, eta berriro, estalki modura, beste hosto bat jarri bakoitzaren gainean.
9
Labe beroan sartu, minutu pare bat. Bukatzeko, platerean piper zerrendatxo batzuk jarri, eta, gainean, ziazerba eta bakailao brandada.
