ERREZETA
Raf tomateen entsalada, bakailaoarekin eta barazkiekin
2018ko otsailak 24
OSAGAIAK 4 LAGUNENTZAT
300 g bakailao gezatu.
Raf motako tomatea.
Dozena bat gari zainzuri.
3 tipulin fresko.
3 piper morroi.
Oliba olioa.
Gatza.
Lehenik, piperrak erreko ditugu. Horretarako, laberako erretilu batean ipini piperrak osorik; eta ezer bota gabe, labean sartuko ditugu, hogei minutuz, 210 gradutan. Beroa goian-behean jarri, eta ondo erre direla ziurtatu atera aurretik. Atera, eta utzi epeltzen.
Tipulina txikitu juliana erara, eta lapiko batean erregosi, oliba-olio zorrotada batekin, gutxi gorabehera hogei minutuz, su oso motelean.
Zartagin bat berotzen jarri, olio zorrotada batekin. Gehiegi berotu aurretik, bakailao puskak jarri, su oso motelean konfitatzen, hau da, poliki-poliki erregosten. 15 minutuz eduki.
Bitartean, piperrak zuritu, haziak kendu, eta zabalik utzi erretilu batean.
Zartagin batean, gari zainzuriak hiru edo lau minutuz frijitu.
Gero, platera osatuko dugu: tomateari bihotza kendu, eta pusketatan moztu.
Erretilu batean ipini tomatea, eta gatz pitin bat gehitu. Ondoren, bakailao konfitatua gainean jarri. Gari zainzuriak ere gainean kokatu, eta, azkenik, piper morroien tirak ere gehitu.
Bukatzeko, zartaginean dugun tipulin erregosiarekin osagai guztiak ongi busti.
Entsalada epela dastatzeko prest dugu!
300 g bakailao gezatu.
Raf motako tomatea.
Dozena bat gari zainzuri.
3 tipulin fresko.
3 piper morroi.
Oliba olioa.
Gatza.
1
Lehenik, piperrak erreko ditugu. Horretarako, laberako erretilu batean ipini piperrak osorik; eta ezer bota gabe, labean sartuko ditugu, hogei minutuz, 210 gradutan. Beroa goian-behean jarri, eta ondo erre direla ziurtatu atera aurretik. Atera, eta utzi epeltzen.
2
Tipulina txikitu juliana erara, eta lapiko batean erregosi, oliba-olio zorrotada batekin, gutxi gorabehera hogei minutuz, su oso motelean.
3
Zartagin bat berotzen jarri, olio zorrotada batekin. Gehiegi berotu aurretik, bakailao puskak jarri, su oso motelean konfitatzen, hau da, poliki-poliki erregosten. 15 minutuz eduki.
4
Bitartean, piperrak zuritu, haziak kendu, eta zabalik utzi erretilu batean.
5
Zartagin batean, gari zainzuriak hiru edo lau minutuz frijitu.
6
Gero, platera osatuko dugu: tomateari bihotza kendu, eta pusketatan moztu.
7
Erretilu batean ipini tomatea, eta gatz pitin bat gehitu. Ondoren, bakailao konfitatua gainean jarri. Gari zainzuriak ere gainean kokatu, eta, azkenik, piper morroien tirak ere gehitu.
8
Bukatzeko, zartaginean dugun tipulin erregosiarekin osagai guztiak ongi busti.
Entsalada epela dastatzeko prest dugu!