Albistea entzun

ERREZETA

Kuia krema otarrainxkekin

Iker Markinez sukaldariak prestatutako krema.
Iker Markinez sukaldariak prestatutako krema. JON URBE / ARGAZKI PRESS Tamaina handiagoan ikusi

Iker Markinez - Kuko Jatetxea, Ormaiztegi

2018ko martxoak 10

OSAGAIAK

4 LAGUNENTZAT

1 kg. kuia.

8 otarrainxka handi.

Esnegain basokada bat.

2 gazta txiki.

Oliba olio zorrotada bat.

Gatza.

1

Lehen pausoan, otarrainxkak zuritu, eta burua kenduko diegu. Azal eta buruekin salda bat egingo dugu.

2

Horretarako, lapiko bat urez bete, berotzen jarri, eta bertan bost minutuz egosiko ditugu otarrainxken azal eta buruak. Ondoren, iragazi eta gorde.

3

Kuiari azala eta haziak ondo kendu, eta pusketa handitan zatitu.

4

Lapiko batean jarri. Bertara aurrez prestaturiko salda gehitu, baita esne gain basokada bat ere, eta beste basokada bat ur. Gatz pitin bat bota, eta su bizian 25 bat minutuz irakin.

5

Sutik kendu, eta oliba olio zorrotada bat eta bi gazta txikiak gehituko ditugu lapikora. Irabiagailuaren laguntzaz, krema lortu arte ondo irabiatu.

6

Kremaren lodieraren arabera, beharrezkoa dela uste badugu, ur pixka bat gehiago bota.

7

Ondoren, otarrainxkak prestatuko ditugu; erditik moztuko ditugu, baina ez erabat.

8

Isats aldean moztu gabeko pusketatxo bat utzi. Jarraian, zartagin batean oliba olio pixka bat bota, eta berotzen jarri. Su bizian, denbora gutxiz, frijitu otarrainxkak.

9

Zerbitzatzeko orduan, krema lau katilutan banatu, eta gainean otarrainxkak ipini.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©Florette Vega Mayor.

Perfekzio plastifikatua

Olaia L. Garaialde

Poltsetan doazen entsaladen ekoizpen prozesuan hotz katea ez apurtzea garrantzitsua dela azpimarratu dute Floretteko arduradunek. Ekologistek kalte ekologikoez ohartarazi dute.

 ©ANDONI CANELLADA / FOKU

«Gizatalde gisa okerrago atera gara izurritik»

Urtzi Urkizu

2020ko konfinamenduan eta ondoko hilabeteetan girotutako eleberri bat idatzi du Alba Ricok: 'La ventana'. «Oso gaizki pasatu zuten herritarrak ikusarazten saiatu naiz», azaldu du idazleak.
Atzo egin zuten prentsaurrekoa konpartsakideek Arriaga antzokiaren atarian. ©MONIKA DEL VALLE / FOKU

Konpartsek muntaketari ekin diote

Javi West Larrañaga

«Bi abuztu grisen» ostean, kaleak «aldamioz eta kolorez» beteko dituzte. Txosnena gune segurua izango dela azpimarratu dute
Donibane Garaziko bestak 2019an iragan ziren azken aldiz; bi urteko etenaldiaren ondotik itzuliko dira. ©GUILLAUME FAUVEAU

Garazi, berriz dantzari

Leire Casamajou Elkegarai

Donibane Garaziko bestak itzuliko dira bihartik astelehenera, bi urteko etenaldiaren ondoren. Kontzertuak, txarangak, afariak eta dantzaldiak izanen dira hiru egunez

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.