Albistea entzun

ERREZETA

Hostopil koka

Ostopil koka. Kataluniako jakia da koka.
Ostopil koka. Kataluniako jakia da koka. GORKA RUBIO / ARGAZKI PRESS

Iker Markinez - Kuko Jatetxea, Ormaiztegi

2015eko irailak 19

OSAGAIAK

Hostopil xafla.

Etxeko tomate frijitua.

Ziazerba sorta bat.

Dozena bat gari zainzuri.

250 gramo bakailao gezatu.

Dozena bat antxoa.

Gatza.

Oliba olioa.

1

Koka Katalunian oso ezaguna den jaki bat da. Esan genezake pizzaren antzekoa izan ohi dela: ogi masa bat, eta, gainean, labean erregositako osagai freskoak —batez ere barazkiak—. Guk gaur koka hori hostopilarekin egingo dugu, beste aukera goxo bat izan baitaiteke.

2

Hasteko, gari zainzuriak lau minutuz egosi, eta, jarraian, ur hotzetan pasatu.

3

Ondoren, zartagina hartu, eta, oliba-olio zurrusta batekin, ziazerbak minutu batez frijitu. Horiek ere geroko gorde.

4

Bakailaoa karratu txikitan moztu. Antxoak garbitu eta hezurra kendu ondoren, bi xerratan jarri. Xerra horiek irekita utzi. Gero, antxoei gatz pixka bat bota.

5

Hostopila hartu, eta, arrabol baten laguntzaz, ongi zabaldu. Kafe plater txiki baten laguntzaz, zortzi bat borobil moztu, eta labeko erretilu batean ipini. Orain, sardexka baten laguntzaz, hostopil borobilak zulatu, izkinako zirkunferentzia izan ezik. Zulatutako lekuan, etxeko tomate koilarakada bat ipini, baita bi bakailao pusketa eta hiru antxoa xerra ere, eta, bukatzeko, barazkiak goialdean. Hostopil guztietan gauza bera egin, eta osagaien gainean oliba-olio zurrusta fin bana bota.

6

Erretilua 200 gradutan berotutako labean sartu. Segidan, 180 gradutara jatsi, eta bertan 15 bat minutuz eduki. Ondoren, atera, eta, epeltzean, jateko prest izango ditugu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maddalen Arzallusek eta Xabier Sukiak aurkeztuko dute 2022ko lehen saioa ETB1en: <em>Biba 2022!</em>. ©EITB

ETBren kanpaiak, Gasteiztik

Urtzi Urkizu

ETB1en Ainhoa Etxebarriak, Aitziber Garmendiak eta Yerai Diezek aurkeztuko dituzte kanpaiak

 ©GORKA RUBIO / FOKU

«Ekialdean berariaz zaindu dute xakea»

Gorka Erostarbe Leunda

Jolasa eta jokoa. Lehia eta estrategia, baina baita zientzia, artea, poesia eta bizitza ere. Guztiak islatzen ditu xakeak. Alderdi horiek bildu ditu Berasaluzek '64 begirada. Xake taularen zuri-beltzean' lanean.
Daliren maskara biral egin da. ©NETFLIX

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.