Albistea entzun

ERREZETA

Sagar tatin gozoa

JUAN CARLOS RUIZ / ARGAZKI PRESS Tamaina handiagoan ikusi

Iker Markinez - Kuko Jatetxea, Ormaiztegi

2018ko urtarrilak 13

OSAGAIAK

4 LAGUNENTZAT

4 Errezil sagar.

4 koilarakada azukre.

Gurina koilarakada bat.

Hostopila.

I rin pixka bat.

Tarteletak egiteko ontzi bereziak.

1

Hostopilla irin pixka baten laguntzaz ongi zabaldu mahaiaren gainean. Hostopila guk geuk etxean eginda edo erositakoa izan daiteke. Kasu honetan erositakoa erabiliko dugu.

2

Errezil sagarrak zuritu, bihotza kendu eta launa pusketatan moztu. Puska ahalik eta berdinenak egin.

3

Zartagin batean, gurin koilarakada bat ipini, eta sutan berotzen jarri. Kolorea hartzen hastean, lau azukre koilarakada gehitu. Azukrea pixka bat koloreztatzen hasi bezain laster, sagar puskak gehitu. Sua moteldu, eta bertan hiru bat minutuz mantendu sagarrak, karameloarekin gozatzen joan daitezen.

4

Ondoren, sagar tarteletak egiteko ontzi berezietan banatu. Ontziak ongi bete arte. Hostopila zatitu, eta moldeen gainean jarri, guztia ongi estaltzen duten moduan.

5

Labea aurrez berotu, 180 gradutan. Moldeak bertan sartu , 20 edo 25 minutuz gutxi gorabehera. Labetik atera eta 15 minutuz epeltzen utzi ondoren, kontu handiz buelta eman moldetatik ateraz.

6

Beraz, orain, hostopila beherean eta sagarrak gainean geldituko zaizkigu, argazkiko tatin gozo -gozoak lortuko ditugularik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jendea Arbonako lur okupatuetan, gaur goizean, Lurrama jaialdiaren hasieran. ©Lurrama Elkartea

Lurrama jaialdia ospatu dute Arbonan

Berria

Kontzertuak, hitzaldi bat eta beste egin dituzte, eguraldia lagun. Arbonan kokatu dute aurten, okupazioari sostengua emateko.

Hainbat lagun hegazti migratzaileei behatzen, atzo, Lizarietako lepoan, Saran. ©GUILLAUME FAUVEAU

Txorien bidaia, largabistekin

Oihana Teyseyre Koskarat

Agorrilaren erditsutik hasiak dira hegaztien migrazio mugimenduak. Horiek zaintzeko lanetan ari da CPAL elkartea, Saran, Lizarietako lepotik begira.

 ©JON URBE / FOKU

«Sentiberatasunak egon behar du beti argazkien atzean; funtsezkoa da»

Jakes Goikoetxea

Ohiko sinadura izan da Euskal Herriko hainbat egunkaritako argazkietan. Urteek hezitako eta zaildutako begirada bat. Egoera eta aldaketa askoren lekuko zuzena izan da, lekuko deserosoa sarritan. Argazkilaritza utzi du; argazkigintza ez.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.