Albistea entzun

Iparraldearekin, «nazionalagoa»

Udalbiltzak Ipar Euskal Herriko 108 kide ditu, inoiz baino gehiago.

Denera 1.471 udalbiltzakide dauzka; 183 alkateak dira
Udalbiltzakideak, atzo, Uztaritzen egindako batzar orokorrean.
Udalbiltzakideak, atzo, Uztaritzen egindako batzar orokorrean. SYLVAIN SENCRISTO

Enekoitz Esnaola -

2014ko urriak 5

Udalbiltzak Ipar Euskal Herrian egin du urteko batzar orokorra, Lapurdin, Nafarroa Beherean eta Zuberoan egiten ari den apustu estrategikoaren eta harekin jasotzen ari den babesaren seinale. Uztaritzen (Lapurdi) egin du bilkura Euskal Herriko udal eta udal hautetsien biltzarrak, eta jakinarazi du orain Iparraldeko 108 kide dituela partaide. Udalbiltza 1999an sortu zenean, Ipar Euskal Herriko 30 hautetsik eman zuten atxikimendua. Iaz berrantolatu zenetik orain arte, 61 izan dira. Atzotik aurrera, 108 —19 auzapez eta 89 hautetsi—: Lapurdikoak 68 dira, Zuberoakoak 22 eta Nafarroa Beherekoak 18. Udalbiltzak jakinarazi du kide gehiago lortzeko kanpaina batean ari dela.

«Datuok esan nahi dute gaur egun Udalbiltza nazionalagoa dela, eta Ipar Euskal Herria lortzen ari dela nazio eraikuntzan dagokion tokia», adierazi du Nikolas Blain Makeako (Lapurdi) hautetsi eta Udalbiltzako Nazio Gobernuko kideak, Uztaritzen.

Nazio erakundeak uste du Ipar Euskal Herrian modu praktiko baten ondorioz ari dela Udalbiltzarekiko atxikimendua hazten. Euskal Pirinioetan Lan eta Bizi garapen sozioekonomikoaren proiektuak jasotako sostengu instituzional eta sozial askotarikoa jartzen du adibide gisa.

Biltzarrak 1.471 udalbiltzakide ditu; haietatik 183 alkateak dira. Udalbiltza gustura da horregatik eta azken urte eta erdiko ibilbideagatik, Blainek esan duenez: «Ia hutsetik hasita lortu dugu erakunde hau berriro abiatzea». Mertxe Aizpurua lehendakariak nabarmendu du «kontsentsu berrien bila» segituko dutela.

Kohesioa

Kohesioa da urte politikorako Udalbiltzak hautaturiko hitza. Kohesioa lurralde, herritar eta udalerrien artean. «Sinetsirik gaude Euskal Herrian nahitaezkoa dela kohesioa lankidetza eta barne sinergiak sortzeko, garapen sozial, ekonomiko, kultural eta politikoan aurrera egiteko». Hainbat egitasmo garatu edo gauzatu nahi ditu.

2014rako 592.120 euroko aurrekontua dauka.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alonsotegiko (Bizkaia) udaletxea. ©Monika del Valle / Foku

Fiskaltzak zazpi urteko espetxe zigorra eskatu du Alonsotegiko alkate ohi Aitor Santiestebanentzat

Iosu Alberdi

Prebarikazioa egitea, dirua bidegabe erabiltzea, dokumentuak faltsutzea eta diru laguntzetan iruzur egitea egozten dizkio fiskaltza Santiestebani.

Espeleologoak Lezetxikiko sistema karstikoaren barruan aurkitutako tunelaren alboan. ©LEZETXIKIREN LAGUNAK

Adifek eta Gipuzkoako Aldundiak txostenak egin zituzten galeria kaltetuaren inguruan

Xabier Martin

Espainiako Garraio ministro Raquel Sanchezek ziurtatu du Lezetxikiko aztarnategiak ez duela «inolako katerik» izan AHTaren tunela dela eta.

Inma Jurio PSNko parlamentaria, atzo, Nafarroako Parlamentuan. ©IÑIGO URIZ / FOKU

PSNk ontzat eman du Nafarroako torturen eta tratu txarren txostena

Mikel Elkoroberezibar Beloki

Navarra Sumak esan du Poliziari «oso eskertuta» dagoela: «Baina torturatu duena ez da gutarra». PSE-EEk ez zuen PSNren iritzi bera izan duela sei urte; «gatazka baten teoria elikatzen» zuela iritzita arbuiatu zuen txostena.

Torturari buruz «oraindik asko» dagoela ikertzeko nabarmendu dute

Laura Pego eta Jeanette Ruiz Kriminologiaren Euskal Institutuko kideak, iaz landutako txostena eskuetan, Nafarroako Parlamentuan. Atzo eman zuten haren edukiaren berri. ©IÑIGO URIZ / FOKU

Torturari buruz «oraindik asko» dagoela ikertzeko nabarmendu dute Nafarroako Parlamentuan

Joxerra Senar

Kriminologiaren Euskal Institutuak bere txostena aurkeztu du Nafarroako Parlamentuan. Laura Pego ikerlariaren arabera, kasu kopurua «garrantzitsua» da, eta azterlana «amaitu gabe» dago oraindik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...