Emakume Master Cupeko saio erabakigarria, gaur, Orozkon

Julen Etxeberria -

2019ko otsailak 24
Gaur geratuko dira zehaztuta Emakume Master Cupeko Lehen Mailako Binakakoaren finalerdiak, Orozkon (10:30). Lehen multzoan, Leire Garai-Leire Etxaniz, Arrate Bergara-Maider Mendizabalen aurka ariko dira. Garai-Etxanizek garaipen bat dute, eta Bergara-Mendizabalek batere ez. Beraz, bigarrenek irabaziz gero, tanteoaren arabera erabakiko lirateke bi bikote sailkatuak. Bestela, Garai-Etxanizek eta Patri Espinar-Miriam Arrillagak egingo lukete aurrera. Egoera berbera da beste multzoan. Olatz Arrizabalaga-Iera Agirre eta Ainhoa Romero-Amaia Aldai ariko dira gaur. Aurrenekoek garaipen bat dute, Olatz eta Maite Ruiz de Larramendik bezala. Romero-Aldaik ez dute irabazi, eta gaur garaipena lortu behar dute, tanteoari erreparatzeko. Aldiz, galduz gero, kalean leudeke.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna