Realeko bazkideen ezezko borobila apustu etxeei

Realeko abonatuek ezetz esan diote apustu etxeen babesletza hartzeari. Taldeko zuzendaritzak galdeketa ez loteslea egin du, eta bozkatu dutenen %86k ezetz esan dute. 6.638 abonatuk eman dute iritzia, guztien laurdena baino pixka bat gehiago, eta 5.715 agertu dira aurka. Apustu etxe publizitaterik ez duen Lehen Mailako talde bakarra da Reala.