Jaka Horien izaeraz eta etorkizunaz gogoetatu dute Urruñako kanpalekuan

Jaka Horien biltzarren biltzarrak erreferendum bidez funtzionatzearen alde egin du. Gaur, Baionan mobilizazio bat egiteko asmoa dute
Urruñako kanpalekuan bildutako Jaka Horietako batzuk, asanblearen bukaeran.
Urruñako kanpalekuan bildutako Jaka Horietako batzuk, asanblearen bukaeran. BERRIA Tamaina handiagoan ikusi

Ekhi Erremundegi Beloki -

2019ko abuztuak 24

Jaka Horiek gune berezia dute Urruñako kanpalekuan, G7koen goi bileraren harira Irun eta Hendaia artean antolatu duten kontragailurrean. Bertan bildu dira hiru egunez Jaka Horiak, eta mugimenduari buruz gogoetatzeko batzarrak egiteko baliatu dute. Atzo zuten azkena, baina jende gutxi agertu zen; gehienak gaurko manifestazioari begira jarriak ziren, 41. mobilizazio asteburua Baionan egitea erabaki baitute.

Iazko azaroaren 17an hasi zen Jaka Horien mugimendua, erregaiaren gaineko zergak emendatu nahi zituztela salatzeko. Frantziako herri andanatan egin zituzten protestak, itzulguneetan, baina, pixkanaka, manifestazio handiak egiten hasi ziren hiriguneetan. Parisen, Bordelen, Tolosan eta abarretan izan dira nagusiak, eta horietako anitz istiluekin amaitu dira. «Tristea da, baina funtsean Frantziako Gobernua mugiarazi zuen. Ondoriorik latzena polizia bortizkeriak pairatzea izan da», azaldu du Anne Legrand Tarbesko jaka horiak. Ehunka zauritu izan dira, horietako anitz, larriak. Zenbait elkarteren datuen arabera, bederatzi hilabetean azken hamabost urteetan bezainbat zauritu eragin ditu Frantziako Poliziak.

Politika instituzionalarekin mesfidantza handia dute hasieratik Jaka Horiek, baina argi dute: egiten ari direna politika da. Erregaiaren zergatik aldarrikapen sozialetara egin dute salto. «Biharko nahiko genukeen gizartea gogoetatu nahi dugu», zioen atzo kanpalekura hurbildutako batek.

Mugimendua abiatu zenetik, korronte bat baino gehiago sortu da Jaka Horien artean, eta, elkarrekin komunikatzen baziren ere, ez zuten antolaketa bereziturik. Azken hilabeteetan, pixkanaka, batzuk funtzionamendu bat adosten hasi dira. Hasieratik, tokian tokiko taldeetan antolatu dira; itzulguneetako protestetan elkartzen ziren jendearen artean, funtsean. Urtarril bukaeran, tokiko talde guziak Frantziako Commercy herrian batzeko deia egin zuten, eta, pixkanaka, biltzarren biltzarra osatu dute. «Tokian tokiko taldeek elkarren artean harremana dugu, eta batak besteari informazioa pasatzen diogu. Ondoren, departamendu mailan, eskualdeka...», azaldu du Loic Barusek. Urruñako kanpalekuko deialdira Frantzia Hego Mendebaldeko Jaka Horien Biltzarrak deitu du.

Hiru egunetan bilkura bat baino gehiago egin dituzte mugimenduaren izaera hobeki definitzeko. Lehenik, arloz arloko borrokak zehaztu dituzte; sozioekonomikoak eta ingurumenari eta demokraziari lotuak. «Ezinbestekoa da beste eragileengana ireki gaitezen», iritzi dio Legrandek. Horrez gain, biltzarren biltzarrak nola funtzionatu beharko lukeen ere gogoetatu du. Biltzar nagusitik ateratzen diren proposamen guziak tokiko taldeek erreferendum bidez bozkatzearen alde egin dute Urruñako kanpalekuan bildu direnek. Mugimenduaren koherentziari buruz ere eztabaidan aritu dira.

41. asteburua

Aspaldi aipatu zuten G7koenaren kontra Jaka Horien mobilizazio bat antolatzea, eta azken asteetan zehaztuz joan da. Gaur izanen da, 17:00etan, Baionan. Leku zehatza azken momentuan jakinaraziko dute, haien sareen bidez. Pirinio Atlantikoetako prefeturak segurtasun perimetro bat jarri du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©LUKAS COCH / EFE

COVID-19aren kutsatzeak arakatzeko aplikazioen eraginkortasuna, kolokan

Munia El Marhoum Iruretagoiena

«Normaltasun berrira» heldu bidean, koronabirusaren zabaltzea geldiarazteko tresna gisa aurkeztu dituzte zenbait 'app'. Herrialde askotan ez dira lortu hasiera batean aurreikusitako emaitzak

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna