HAUR ETA GAZTE LITERATURA. 'Barruko leihoa'

Boro, boro, borobila, ia

Imanol Mercero -

2016ko otsailak 28
Idazlea: Pello Añorga. Ilustratzailea: Jokin Mitxelena. Argitaletxea: Pamiela.

Barruko leihotik/ sartu da ekia/ bihotza jaikita/ zabal begia». Hala dio Ekia aletxoak, izenburuari erreferentzia egiten dion lau poemetako batek.

Zazpi ataletan banatuta dago, baina gaiak ez dira atalak bezainbeste. Arestian aipatu lau poematxoen gaiek, barruko leihoa irudikatzen ari diren horienak, atalek baino hobeto banatzen dute liburua: natura, landareak, animaliak eta hitza.

Salbuespenak salbu, aurkituko dugun poema moldea ere irudikatzen dute: lau lerrokoa, errimari eta erritmoari lehentasunez atxikia, ideia konplexuak (ez beti) irudi sinpleen bidez azaltzen. Emaitza, halakoa da, jostalaria ideiekin bezainbat hizkuntzarekin, mendizalea irudietan, laburrean sinplea (sinpleegia, batzuetan?), herabea sentimenduetan eta pentsamoldeetan. Ahozkotik gertu, boz gora irakurtzeko aproposak dirudite.

Ezin aipatu gabe utzi ilustrazioek duten indarra, sarri ondoan dituzten poemak baino indar poetiko handiagoa erakusten dutela iruditu zait niri. Badaitort, liburua zabaldu eta han azaltzen zaigun paisaiari so eman dudan denbora neurtzeko erlojurik ez da sortu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna