Podemosek PSEri eskatu dio atzera egiteko

«PSE-EE berriak udalen eskubideak defendatuko ditu, ala beste aldera begiratzen jarraituko du?, galdetu du Miren Gorrotxategi Elkarrekin-Podemos-IUko legebiltzarreko eledunak, Irunen, Ingurumen Administrazioaren Legean EAJrekin batera alderdi sozialistak aurkeztu duen zuzenketaren harira. Irunen egin zituen adierazpenok. Hain zuzen, PSE-EEk gobernatzen duen udal horrek eskatu dio Jaurlaritzari atzera egiteko zuzenketa horretan. Interes orokorraren izenean Jaurlaritzak zenbait proiektu aurrera ateratzeko eskumena hartzeak udalen autonomian «zuzenean» eragiten duela esan zuen.