Hona berdintasunaren itunak jaso dituen konpromisoak:
Justizia ekonomikoa. Emakumeen autonomia ekonomikoa bultzatzea, langile txiroen kopurua txikitzea. Soldata eta pentsio arrakalak murriztea.
Nesken eta emakumeen ahalduntzea. Emakumeen erabakimena bermatzea arlo guztietan. Heziketa sexual holistikoa bultzatzea.
Indarkeria matxista. Emakumeen eta nesken aurkako bortizkeria amaitzea, giza eskubideen urraketatzat hartuta. Birbiktimizazioa eragoztea, erreparazioa bultzatzea. Instituzioen arteko koordinazioan sakontzea.
Haurrak eta nerabeak. Hezkidetza bultzatzea, gazteek berdintasuna barneratzeko eta bereizkeriak identifikatzeko. Andre erreferenteak sustatzea.
Zaintzak. Ordaindutako zein ordaindu gabeko zaintza lanen garrantzia aitortzea. Gizonen, erakundeen eta enpresen ardura partekatua sustatzea, eta zaintza publikoa indartzea. Langileen baldintzak hobetzea.
Gizonen eta mutilen inplikazioa. Maskulinitate eredu tradizionala auzitan jartzea, eta gizonen pribilegioek emakumeengan dituzten ondorioak desegitea.
Trantsizio ekologikoa. Energia eredu bidezkoagoa bultzatzea desberdintasunak handitu gabe. Klima larrialdiak andreengan dituen ondorioez trebatzea.
Eraldaketa digitala. Teknologiak baliatzea berdintasuna sustatzeko eta indarkeria murrizteko. STEAM bokazioak bultzatzea.
Emakumeen mugimendua. Feminismoaren rola aintzat hartzea. Emakume taldeak baliabidez laguntzea eta haiekin aliantzak sortzea. Bestelako desberdintasunak jasaten dituzten andreentzat espazioak sortzea.
Gobernu ona. Genero ikuspegia ezinbesteko estrategia izatea. Berdintasunerako baliabideak handitzea.
KONPROMISOAK
Iruzkinak
Ez dago iruzkinik
Ordenatu