Frantziako Poliziak Hendaiako (Lapurdi) bikote bat atxilotu du, proxenetismoa leporatuta. Poliziak azaldu duenez, Errusiako emakume batzuk zeuzkaten kontrolpean hartuta, eta sare bat osatua zeukaten. Neska gazteak Ipar Euskal Herriko eta Okzitaniako hainbat herritara etorrarazteko bidaiak antolatzen zituen bikoteak, eta hitzorduak ere jartzen zituen.
Frantziako Poliziak irailaren 3an atxilotu zuen bikotea. Geroztik, gizon-emazteak atxiloaldian daude, eta akusaziopean. Poliziaren arabera, litekeena da auzia nazioartera zabaltzea, trafikoa Europako beste herrialdeetan egin duten egiaztatu nahi baitute. Urte bateko inkestaren ondorioa izan dela nabarmendu du Poliziak.
Proxenetismoa leporatuta atxilotu dute bikote bat
Iruzkinak
Ez dago iruzkinik
Ordenatu
