Brasilek Costa Ricarekin egin bezala, Suitza azken unean gailendu zitzaion atzo Serbiari (1-2). Hala, oso bideratua du final-zortzirenetako sailkapena. Izan ere, dagoeneko Munduko Kopatik at dagoen Costa Ricaren aurka jokatuko du multzoko azken jardunaldian. Serbiari, berriz, asko zaildu zaio aurrera egitea. Ezinbestean irabazibeharko dio Brasili.
Serbiak hobeto hasi zuen partida. Bosgarren minuturako aurretik zen, Mitrovicek buruz sartutako gol bati esker. Suitza neurrian hartzen joan zen partidari, eta 52. minutuan egin zuen berdinketa. Area kanpotik Xhakak jaurtiketa gogorra eta zehatza egin zuen, Stojkovicen gaindituz. Norgehiagokaren ondarren, 90. minutuan, Shaqirik egin zuen 1-2koa, kontraeraso bizkor batean.
Errusiako Munduko Kopa
Suitzak azken unean irabazi dio Serbiari (1-2)
Iruzkinak
Ez dago iruzkinik
Ordenatu