Karpatxo eta Mekanitxin. Bilboko Aste Nagusiko pertsonaia berriak

«Haurrak dira jaiaren espiritua; ez dute ikasi behar nola pasatu ondo»

Festa giro betean dago Bilbo, eta haurrak dira protagonistetako batzuk. Konpartsen espiritua transmititzeko tailerrak ematen ari zaizkie Karpatxo eta Mekanitxin pertsonaiak; aurten iritsi dira lehen aldiz festetara.
BERRIA

Lander Muñagorri Garmendia -

2018ko abuztuak 23
Marijaia eta Gargantuarekin batera, Aste Nagusiak bi pertsonaia berri ditu: Karpatxo eta Mekanitxin. Egiturak egiteko barrak eta ileorde urdina dute buruan, eta haurrei konpartsakideen izaera transmititzeko ardura hartu dute. Horrela, Konpartsakidetu! egitasmoaren barruan, haurrentzako hainbat tailer ematen ari dira: besteak beste, goitibeherak egiteko, txosna bat muntatzeko, eta su artifizialen ingurukoa. Atzo bertan, esaterako, Irrien Lagunak-eko Ane eta Piratekin parrandan ibili ziren.

Aste Nagusira iritsi zarete haurrei konpartsakide nola izan erakusteko. Beharrezkoa da?

KARPATXO: Nik uste du ezetz, haurrak dira jaiaren espiritua, eta ez dute ikasi behar nola pasa daitekeen ondo.

MEKANITXIN: Bai, nik uste dut guk gehiago ikasiko dugula eurengandik, alderantziz baino.

Zer erakusten dizuete haurrek jaietan ibiltzeko garaian?

MEKANITXIN: Dantzatzen.

KARPATXO: Jolasten.

MEKANITXIN: Abesten, eta dibertitzeko espiritua.

KARPATXO: Ondo bazkaltzea eta ondo afaltzea. Eta horren ondoren, baita atsedena hartzeko beharra ere.

MEKANITXIN: Tira, hori ez da hainbesterako ere, beti egon behar da prest parrandarako!

KARPATXO: Bueno, ez pasatu Mekanitxin. Atsedena hartu behar da noizean behin.

Zuen asmoa konpartsen espiritua haurrengana zabaltzea da. Zein da espiritu hori?

KARPATXO: Elkarlana bultzatzea, ondo pasatzea, eta, batez ere, errespetua.

MEKANITXIN: Hori da, jai herrikoiak eta herriarentzakoak nola egiten diren erakusten diegu txikienei.

Eta nola erantzuten dute?

KARPATXO: Oso ondo! Haurrak, baina baita helduak ere, ikusten gaituztenean, irribarrez inguratzen zaizkigu!

Hainbat tailer egiten ari zarete: txosnak muntatu, goitibeherak...

KARPATXO: Bai, oso ongi pasatzen dugu. Tailer batean kalejira nola egin erakutsiko dugu.

Eta hori nola erakusten da?

KARPATXO: Zarata egiten, dantzatzen eta ondo pasatzen.

Parranda egiten, alegia.

KARPATXO: Hori da, bai. Bihurrikeriak egiten ere ibiltzen gara, eta hori badakite ondo egiten!

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna