Albistea entzun

PASCALEN ESFERATIK

Dezepzioen pozak

Xabier Amuriza -

2019ko ekainak 1

Dezepziotik dezepziora
pozik bizi naiz.
Dezepzio bakoitzak
itxaropen bat izan du.

Itxaropen zapuztu bati
beste itxaropen
zapuzgarri batek darraio.
Horrela, beti da itxaropena.

Zirkuitua etengo balitz,
suizidatuko nintzateke,
baina ez dago arriskurik,
itxaropen zapuzgarriak
amaigabeak baitira.

Horrela, poema itxuran esanda, zerbait enigmatikoa eman dezake. Prosa lauan, ideiarik sinpleena da. Bizipozen makina birrintzaile bat naiz. Artaburuak, adibidez. Etorri ahala xehatzen dira, xehatu ahala etortzen. Batzuetan, makina (garraio-zinta) geratu egiten da, behin xehatze-fasean, behin etortze-fasean. Geldi guztia. Harik eta denbora batek berriz abiarazi duen arte. Makina betiko gera daitekeela jakiteak ez nau hainbeste larritzen, nola ez jakiteak zein fasetan geratuko den. Ez naiz heriotzaz ari. Honek nahiago dut birrintze-fasean harrapa nazan, joateak izan dezan desio zentzu bat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Asier Olabarrieta (erdian), Islabaten emanaldi batean, Gasteizen. ©NURIA GONZALEZ / ISLABAT

«Kontsumo ereduak kaleratzen den musika baldintzatzen du»

Iraia Vieira Gil

Islabat izenpean, bere burua onartzeko prozesuan oinarritutako rock diskoa kaleratu du Olabarrietak. «Lasaia» izan da diskoaren bidea; egungo abesti «azkarrak» ez bezala, poliki sortu du musikariak lana.
Ivan Zuluetak egindako irudiak eta <em>Arrebato</em> filmaren elastikoak, Artium museoko erakusketan. ©ENDIKA PORTILLO / FOKU

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...