Musika. Radio Days
'El Delfín y el Varano'
Diskoetxea: Clifford Records.
Radio Days italiarrak Donostiako Dabadaba aretoan izango dira astelehenean, eta asteartean, Bilboko La Nube tabernan. Bada, hirukoteak El Delfín y el Varano lau kantuko EPa ekarriko du besapean. Aurreko diskoak power-pop estiloko ariketa finak dira, eta lan berri honek antzeko ezaugarriak erakusten ditu: gitarra sendo eta sotilekin apaindutako melodiak, tartean, balada itxura hartu duen Ramonesen I Wanna be your boyfriend bikaina. Horrekin batera, This is over eta Sometimes kantuak biltzen dira. Lehenengoan, garage-rock kutsuko teklatu kiriotsua entzuten da, eta bigarrena pop kantu biribila da. Grabazioari izenburua ematen dion doinuarekin amaitzen da, zeinari surf usaina darion. Melodia boteretsuen zaleontzako bitaminak.
Iruzkinak
Ez dago iruzkinik
Ordenatu