Musika. Lagartija Nick
'Crimen, sabotaje y creación'
Diskoetxea: Virgin-Universal.
Lagartija Nick sei urteko isiltasunaren ostean itzuli da Crimen, sabotaje y creación izeneko diskoarekin. Betiko Lagartijak ageri zaizkigu bertan, literalki gainera, hasierako hiru musikariek konposatu baitute lan berri hau; baina isiltasun urte hauetan bakoitzak ikusi, ikasi eta bizitakoen eragina ere nabari da; taldeko liderra den Antonio Ariasen anaia Jesusen heriotzaren itzala batez ere. Hala ere, rock indartsuz beteriko abestiak dira oro har, eta iraganari egindako hainbat keinu antzeman ditzakegu, diskoaren izenburutik hasita —aurreko diskoko abesti baten izena da—. Flamenkoarekin nahastuz, folkloreari ere berebiziko garrantzia emanez, erreibindikazio hitzez beteta datoz. Betikoak dira, baina badute zer esan oraindik.
Iruzkinak
Ez dago iruzkinik
Ordenatu