Nigeriak erraz antzean irabazi dio Hego Koreari (2-0)

Nigeriak 2-0 hartu zuen mendean atzo Hego Korea, Grenoblen, A multzoko bigarren jardunaldiko lehen partidan. Horri esker, nigeriarrek final-zortzirenetarako sailkatzeko aukerari eutsi diote. Hegokorearrek, aldiz, jada ez dute aukerarik. Kim Deyeonek sartu zuen lehen gola, bere atean, 29. minutuan, eta Asisat Oshoalak bigarrena, 75. minutuan. Nigeriak ia zortzi urte zeramatzan Munduko Kopan norgehiagokarik irabazi gabe.