KRITIKA. Musika

Bide nahasia

Marta Garcia -

2020ko urtarrilak 14

EOS

Zuzendaria: Robert Treviño. Egitaraua: A. Brucknerren 9. sinfonia. Lekua: Donostiako Kursaal auditoriuma. Eguna: Urtarrilak 10.

Ez zen aukerarik egon Alban Bergek Alma Mahlerren alabari eskainitako Biolina eta orkestrarako kontzertua entzuteko. Peter Zimmermann biolin jotzaileak Euskadiko Orkestra Sinfonikoarekin zuen konpromisoa bertan behera utzi behar izan zuen eroriko handi baten ondorioz, eta ezinezkoa izan zen haren mailako solista bat denboraz topatzea. Horren ordez, kontzertuaren bigarren zatian programatuta zegoen Anton Brucknerren bederatzigarren sinfoniaren lau mugimenduak eskaintzeko aukerari heldu zion EOSek, Euskal Herrian sekula interpretatu ez den Samala-Mazzuca-Phillips-Cohrs editoreen bertsioan.

Lehen mugimendua irmotasunak gidatu zuen, gaien garapen zabalaren bidean erosotasunez ibiliz. Tronpen doitasunik eta garbitasunik ezak lehenengo gaiaren aurkezpena lainotu zuen arren, metalen sekzioak, oro har, behar zen indarraz jantzi zuen mugimendu itzel horren bukaera. Bigarrena ia etenik gabe sartu zuen Treviñok. Scherzoan biolinen pizzicatoak mailu baten antzera ate-joka, aztoramenak gordetzen duen edertasuna ezagutu ahal izan genuen. Trioan, izaeraz alaiagoa, soken espresioa nabarmendu zen. Adagioa sakontasun handiko mugimendua da, baina bere garapen motela astuna izateko arriskuan jarri zuen Trevi-ñoren batutak. Metalen presentzia, baina, egokia izan zen.

Trinkoa da Brucknerren musika, eta aldika entzulea eztizko itsasoan murgiltzen dela dirudi. Tamalez, orkestra eta zuzendaria bakoitza bere aldetik jardun ziren arraunean, itsasbide desberdinak izan balituzte bezala. Soilik laugarren mugimenduan sumatu zen adostasunerako saiakera, ezezagunean ibiltzeak eskatzen duen zuhurtziagatik akaso. Izan ere, Brucknerrek soilik 208 konpas utzi zituen guztiz orkestratuta, eta 2012an egin zen Kursaalean aurkeztutako bertsioaren azken berrikusketa. Bertan, soinuaren tratamenduan ez da guztiz ad hoc erabilitako baliabiderik sumatzen; mugimendu bizia da, tronpen eta tuba wagnertarren parte hartze nabarmenaz hornitua, sinfonia oso baten aurrean gaudelako sentsazioa bizituz.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna