Lau astetik behin etxera itzultzeko derrigortasuna

Europako Batasunak kamioilarien jarduna arautu zuen iaz, gidatzeko denborak eta atsedenerako tarteak zehaztuz. Sektorearen aspaldiko eskakizun bati erantzun zion horrela. Testu berriaren arabera, hiru edo lau astean behin gidariak bere ohiko bizitokira itzuli beharko du derrigorrean atseden hartzera edo enpresaren egoitza dagoen herrialdera, eta ezingo du herrialde batetik bestera aritu lanean etenik gabe. Horrez gain, gidariak ezingo du asteko atsedena ibilgailuaren barruan egin. Modu horretan txoferren lan baldintzak hobetu nahi dira, eta gidarien arteko lehiak eragotzi. 2022an jarriko da indarrean.