«Egia bilakaturiko amets bat da hau, nire ibilbideko lorpenik handiena. Etxekoei eta inguruko guztiei eskaini nahi diet. Fulsangi laguntzera etorri naiz Tourrera, baina taldeko zuzendariek esan zidaten etaparen batean ihesaldian sartzeko aukera izango nuela».
«Frantziako Tourreko ibilbidea ezagutu nuenetik gorriz markatua nuen etapa bat zen hau, eta dena ezin hobe irten da. Azken mendatean erasoa jo dudanean oso ondo nekien zer egiten ari nintzen. Oso ondo aztertua nuen nolako igoera zen; xehetasun guztiak ezagutzen nituen».
«Nahiko garbi nuen ihesaldia osatuko zela, baina 32 kidekoa zela ikustean oso zaila izango dela ikusi dut. Baina ez dut itxaropena galdu, neure burua oso ondo sumatzen nuelako; hanka onekin nengoen. Helmugatik 200 metrora ikusi dut etapa irabaziko nuela. Ikusi dut Alaphilipek ezin ninduela harrapatu, jota zihoalako. Klasiko handiak probatu nahi ditut orain, eta sasoiko lehen erdirako helburu bezala hartu».
IRABAZLEA. Omar Fraile. Astanako txirrindularia
«Oso ondo aztertua nuen nolakoa zen azken igoera»
Iruzkinak
Ez dago iruzkinik
Ordenatu
