Album ilustratu hau Munstro Arrosa bildumaren hirugarren alea da. Bost pertsonaia nagusi daude, eta ale bakoitzean bat da protagonista: Munstro arrosa, Txori horia, Munstro urdina, Pilota piztia, eta Hiru begiko igela.
Bildumari izena ematen dion lehen albumean (Munstro arrosa, 2016) uniformetasun grisaren aurka egiten zen, eta bigarren albumean (Txori horia, 2017) desberdin izatea aldarrikatzen zen.
Hirugarren honetan ekologia ikasgai bat eman nahi zaio irakurleari.
Hiru begi dituen igela kezkaturik agertzen zaigu, bere putzua zikin baino zikinago dagoelako. Amonak esaten dionez, lehen, gauzak bestela ziren. Lehen, jende asko bizi omen zen inguru haietan, eta dena desberdina zen. Kalte guztien jatorria «gauza berrien fabrikan» dagoela deskubritzen duenean, Hiru begiko igelak plan bat asmatzen du bere lagunekin, garbitasuna itzul dadin.
Kontakizuna mezu ekologista zabaltzera lerratzen da, eta helburua eraginkorki burutzen du. Pertsonaiak, gertaerak eta gainerako baliabideak zalantza izpirik uzten ez dutenak dira. Era berean, ilustrazio lana goraipatzekoa da, irakurle hasiberriei begira.
HAUR ETA GAZTE LITERATURA. 'Hiru begiko igela'
Ekologia ikasgaia
Idazlea: Olga de Dios. Ilustratzailea: Olga de Dios. Itzultzailea: Ipar Alkain. Argitaletxea: Denonartean.
Iruzkinak
Ez dago iruzkinik
Ordenatu