Euskararen Erakunde Publikoaren aurrekontua onartu dute: 4,1 milioi euro

Euskal Elkargoak herrien ekarpena emendatu du, beste partaideen maila berean jarrita. Arrabitek hartuko du presidentetza uztailean
Mathieu Berge eta Bernadette Soule, atzoko agerraldian.
Mathieu Berge eta Bernadette Soule, atzoko agerraldian. ISABELLE MIQUELESTORENA Tamaina handiagoan ikusi

Ekhi Erremundegi Beloki -

2017ko ekainak 2

4.167.030 euroko aurrekontua izanen du EEP Euskararen Erakunde Publikoak 2017. urterako. Atzo egin zuten biltzar nagusia eta bertan onartu zuten, 2017ko jarduera aurreikuspenarekin batera. 700.000 euroko emendaketa izanen du aurten, besteak beste, Euskal Elkargoaren ekarpenarekin, orain arte herriek ematen zuten partean gorakada izan delako. Estatuaren, eskualdearen eta departamenduaren maila berean jarri da Euskal Elkargoa.

Pozik agertu da Mathieu Berge EEPko presidentea, iragarri bezala Euskal Elkargoak hasieratik hartu duelako hizkuntza politikaren eskumena, eta EEPren diru ekarpena emendatu duelako. «Urtea hasi aitzin ez genekien zer aurrekontu izanen genuen. Negoziazioak izan dira», argitu du. Era berean, argi utzi nahi izan du ez dela EEPren aurrekontua hizkuntza politikaren aurrekontutzat hartu behar: «Diruztatzearen zatirik handiena zuzenbide komunetik etorri behar da, gainerako erakundeetatik». Hala, Baionako lizeo berria eraikitzeko Akitania Berria eskualdeak Seaskari emandako laguntza ekarri du gogora.

2017rako ere, transmisioan eta erabilpenean eman nahi dituzte indarrak, zeharkako beste helburu batzuekin batera. Hala, Bernadette Soule EEPko zuzendariak gogora ekarri ditu 2016. urtean irakaskuntzan emandako aitzinamenduak. Sare publikoan sei sail elebidun berri ireki dira, irakaskuntza giristinoan bi, eta Seaskak sail teknologikoa ireki du lizeoan. Aurten ere irekitze gehiago espero dituzte. Halaber, esperimentazioaren bidez sare publikoan, ama eskolan osoki euskaraz egiten duten ikasgelak ireki dituzte azken urteetan. Ikasturte berrian, 15 ikasgela izanen dira, horietako bat Baionako Jules Ferry eskolan. «Guretzat biziki inportantea da Baionan osoki euskaraz ariko den ikasgela bat irekitzea», azaldu du Soulek. Arazoa ere aipatu du: euskarazko irakasleak falta dira. Hala, adierazi du prestakuntzan indarrak ematen jarraituko dutela.

Ildo beretik, helduen prestakuntza indartzen ere segituko dute erakunde ezberdinekin egindako partaidetzen bidez, eremu publikoan zein pribatuan. Eragileekin ere badituzte partaidetzak, tartean Euskal Monetarekin —131 saltegitako seinaletika euskarara itzuli dute hitzarmena hasi zenetik—. Pirinio Atlantikoetako Laborantza Ganberarekin eta Capio klinikarekin dituzten hitzarmenak ere goraipatu ditu. «Helburua eragileak autonomo bilakatzea da».

Presidente aldaketa

EEPren estatutuen arabera, Euskal Elkargoari dagokio presidentetza hartzea. Beñat Arrabit hizkuntza politikarako presidenteordeak hartuko du Bergeren segida uztailaren 11n.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Pertsona batzuk maskararekin pasa den astean, Orion (Gipuzkoa). ©Jon Urbe / FOKU

Getariako Udalak, hiru kasuren berri eman, eta Osasun Sailaren jarrera salatu du

Amaia Ramirez de Okariz Kortabarria

Eusko Jaurlaritzako Osasun Sailari eskatu diote zuzenean emateko egon daitezkeen positiboen berri eta hartzeko herritarrak babesteko hartu beharreko neurriak. Azpeitiko (Gipuzkoa) Udala ere kezkatuta dago.

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna