Gogoetatik abiatuta, konpromisoen bila

Uharteko Virgen Blanca ikastetxean iaztik ari dira hizkuntza proiektua lantzen, Mondragon Unibertsitateko adituen laguntzarekin. Harrera ona jaso du proiektuak eta denborarekin irakasle gehiago batzea espero dute .
Uharteko Virgen Blanca ikastetxe publikoa.
Uharteko Virgen Blanca ikastetxe publikoa. IÑIGO URIZ / FOKU Tamaina handiagoan ikusi

Ainhoa Larretxea Agirre -

2018ko abenduak 15

Eskola ahalduntzea da helburua». Karmele Perezen hitzak dira; Mondragon Unibertsitateko irakaslea da eta Berrikuntza eta Esku-hartzea Gizarte Kulturanitz eta Eleanitzetan ikerketa taldeko ikertzailea. Uharteko (Nafarroa) Virgen Blanca ikastetxean jarri dute martxan hizkuntza proiektu pilotua, eta Perez da aitzinera eramateko lanean ari diren adituetako bat.

Joan den ikasturtean hasi ziren Mondragon Unibertsitateko adituak ikastetxearekin batera elkarlanean. Sortzen elkarteko kidea da Uharteko ikastetxea, eta elkartearen eskutik heldu zen Mondragon Unibertsitatea proiektura. Perezen lantaldea, bereziki, irakasleen prestakuntzaz arduratzen da, lan eremu pedagogikoekin lotutako prestakuntzetan. Eskola berezia da Virgen Blanca, hiru hezkuntza eredu eskaintzen ditu —A, D eta G— eta 70 profesionaletik gorako klaustroa du. Proiektua aitzinera eramateko talde eragile bat sortu dute, eta eredu guztietako hamasei irakasle ere hartu dituzte.Irakasle horien gogoetetatik abiatu dute prozesua. Perezek nabarmendu du beti egoera errealetatik hasita egiten dituztela horrelako prozesuak: «Ikastetxeko egoeraren argazki bat egiten dugu». Uharteko kasuan, argazki hori lortzeko irakasleek hizkuntza ohituren inguruan eguneroko bat egin dute. Bertan, haien hizkuntza praktikei buruz idazteko eskatu diete, eta, horiek aztertuz, nork bere jarreren inguruan gogoeta eginez ekin diote bideari. Lehen diagnostikoa eginda, fase teorikoan daude egun: «Hasierako gogoeta elikatzen ari gara fase teorikoan, erronkari erantzungo dion plana eraikitzen».

Proiektua iaz hasi bazen ere, oraindik hastapenetan daude; izan ere, aurreikusita dago hiru urte ingurukoa izatea. Prozesuan zehar Perezen lantaldeak tresnak ematea du helburu, ikastetxeko komunitateak gogoeta bultzatzeko. Barne prozesu bat izango da, eta prozesuaren amaieran eskola bera «ahalduntzea» lortu nahi dute. Talde txiki batek abiatu badu ere, eskolan harrera ona jaso du, eta bidean irakasle gehiago ere batzea espero dute.

Hiru hezkuntza eredu daude egun Uharteko eskolan. Proiektuaren bidez, eredu horien artean zubiak eraiki nahiko lituzke Perezek: «Hizkuntza proiektuak hizkuntza ereduen artean zubiak eraikitzeko balio izatea espero dugu». Lehen esperientzia hau burututa, prozesua aztertuko dute datozenetan ere laguntzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Zarauzko (Gipuzkoa) hondartz, ekainean. ©Juan Carlos Ruiz / FOKU

Zarauzko Talai Mendi kanpinean PCR probak egiten dabiltza, bezero ohi batek positibo eman ostean

Amaia Ramirez de Okariz Kortabarria

Langileei PCR probak egin dizkiete, eta etxera bidali dituzte. Bezero batzuei ere egin dizkiete probak. Emaitzak jaso bitartean kanpinera inor ez sartzeko ez ateratzeko eskatu dute.

Parke bat hutsik, iragan apirilean, Bilbon. ©Luis Tejido / Foku

Bilboko udaleku batzuetan positibo bat atzeman dute, eta 38 lagun bakartu dituzte

Berria

Haur bati COVID-19a detektatu diotela-eta, haren kideek, begiraleek eta horien guztien bizikideek hamar egun igaro behar dituzte etxean, bakartuta.

Hainbat herritar, Iruñean, maskara jantzita. / ©Iñigo Uriz, Foku

Maskarak erabiltzea derrigorrezkoa izango da Hego Euskal Herrian

Joxerra Senar

Araban, Bizkaian eta Gipuzkoan, bihartik aurrera kalean ere jantzi beharko da maskara; Nafarroan, etzitik aurrera. Igerilekuetan eta hondartzan, maskara jantzi beharkoa da, bainua hartzeko izan ezik. Kirola egiteko orduan edo naturguneetan ken daiteke. Jaurlaritzak botila festa debekatu egin du.

Herritarrak PCR proba egiteko zain. ©Jon Urbe / Foku

80 kasu gehiago Hegoaldean, eta lehen hildakoa Nafarroan ekainaren 11tik

Edu Lartzanguren

Gipuzkoan indarrez ari da izurria: 41 kasu baieztatu dituzte. Iruñean beste agerraldi bat atzeman dute, eta gutxienez hiru lagun kutsatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna