Ustelkeriaren aurkako fiskaltza sortuko du EPk

Iruzurraren aurka eta gardentasunaren alde lan egingo duela adierazi zuen atzo Elkarrekin Podemos-IUko lehendakarigai Miren Gorrotxategik, Gasteizen egindako ekitaldi batean. Besteak beste, iragarri zuen ustelkeriaren aurkako fiskaltza bat sortzea bultzatuko duela, eta gardentasunaren lege berri bat ere onartu nahi duela. «Gure printzipioa erabateko gardentasuna da», azaldu zuen.