EH Bilduk udalak «berreskuratu» nahi ditu

EH Bilduko koordinatzaile nagusi Arnaldo Otegi Arrasaten (Gipuzkoa) egon da, eta, han, dei egin du botoak koalizioaren inguruan biltzeko, Gipuzkoako udalak «berreskuratzeko» asmoz, «Arrasaten hasi eta Bergararekin jarraituz». Otegiren ustez, Espainiako Gorteetarako bozetan altxatutako «olatu subiranistak» segida izango du maiatzaren 26an, «eta udal eta foru erakundeetara ere iritsiko da».