Munduko landareen, onddoen eta animalien egoeraren inbentario moduko bat da IUCNren Espezie Mehatxatuen Zerrenda Gorria. 1964an sortu zuten. Munduko bioaniztasunaren barometro bat dela esan ohi du IUCNk: espezie bakoitzak jasaten duen presioari buruzko informazioa ematen du, informazio horretan oinarrituta, espezieak babesteko neurriak hartu ahal izateko eta haiek galtzea eragozteko. Zerrendatutako 160.000 espeziera iritsi nahi du erakundeak.
Zerrenda Gorriaren azken bertsioaren arabera, galtzeko arriskuan daude 38.000 espezie inguru: anfibioen %41, ugaztunen %26, koniferen %34, hegaztien %14, uharrietako koralen %33 eta oskoldunen %14.
Espezie bakoitzari buruzko mundu osoko adituek egiten dute Zerrenda Gorria. Informazioa biltzen dute: espeziearen hedapena, kopurua, habitata eta ekologia, erabilera edo ustiapena, mehatxuak eta kontserbatzeko neurriak.
Zerrenda ez da paperean argitaratzen eta Internet bidez kontsulta daiteke. Helbidea: www.iucnredlist.org
Zerrenda Gorria, bioaniztasunaren barometroa
Iruzkinak
Ez dago iruzkinik
Ordenatu