Manifestazioan parte hartzera deitu du EPPK-k

Berria

2017ko urtarrilak 11
Euskal preso politikoen askatasunaren alde Bilbon antolatutako manifestazioan parte hartzera deitu du EPPK Euskal Preso Politikoen Kolektiboak. «Egun horretan presook ez dugu ikustaldirik izango, gure senide eta lagunak urteko asteburu orotan ez bezala egun horretan Bilbon izango direlako ondoren guri helaraziko diguten herritarren berotasuna jasotzen», nabarmendu du kolektiboak BERRIA egunkarira igorritako agirian.

Kalera Kalera ekinbidean parte hartu duten guztiei «eskerrik beroenak» eman dizkie EPPK-k, baita ekinbidea antolatu dutenei ere: «Atzo arte ondoko ziegan kide izan zaituztegunoi, zuek zarete-eta gure isiltasun behartuaren bozeramaile».

Kolektiboak dio herritarrek beren «elkartasun bihotz-zabala» erakutsi duten une berean estatuek beren aurpegi «krudel eta gupidagabeena» erakusten jarraitzen dutela. «Jokabide horrekin beren ahuldadea eta jite makurra baino ez dute erakusten, edozein gatazkatan errespetatu beharreko urrezko araua baita zaurituak edota borrokarako ezinduak artatzen uztea».

Kartzelak husteko «ezinbesteko» lehen urrats gisa ikusten dute «zubi sendoak» osatzea: «Barruan borrokan ari garenon eta hor kanpoan gure askatasunaren alde lanean ari zaretenon esku arteko zubi sendoa».

Bigarren urrats gisa, ordezkari politikoei erreferentzia: « Aitzakiarik gabe, ordezkari politikoek herriaren gehiengoaren nahia entzun behar dute. Eta ordezkari politikoek, instituzioek eta herritarrek estatuetako agintariak behartu behar dituzte giltzak sarrailetan sartu eta ziegak zabaltzera. Zain-zain gaude gu atearen bestaldean. Horren harira, gure Kolektiboarentzat erabakigarria den eztabaida abian dugun honetan, eskerrak eman nahi dizkizuegu berau burura eraman ahal izan dezagun laguntza eman digutenei».

@ EPPKren agiria osorik irakurri nahi izanez gero, bisitatu webgune hau: www.berria.eus

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna