Amikuzeko irratiak emankizunak hasiko ditu urtarrila amaitu aurretik

Irulegiko Irratiaren adar bat izango da. Hasieran, egunean bi orduz ariko dira Donapaleutik
Artzen Letona esataria ariko da egunero Donapaleuko estudioan, Amikuzeko irrati berrirako.
Artzen Letona esataria ariko da egunero Donapaleuko estudioan, Amikuzeko irrati berrirako. EITB Tamaina handiagoan ikusi

Urtzi Urkizu -

2018ko urtarrilak 4

Amikuze eskualdeak (Nafarroa Beherea) euskarazko irrati propioa izango du egun gutxi barru. Egunotan estudio bat prestatzen ari dira Donapaleun, eta urtarrila amaitu baino lehen ekingo diete emankizun propioei. Hasteko, 09:00etatik 10:00etara eta 18:00etatik 19:00etara ariko dira. Baina helburua egunean lau orduko programazioa eskaintzea dela azaldu du Xantal Ergi Aiziritzeko (Nafarroa Beherea) auzapez eta proiektuaren laguntzaileak. Egitasmoa martxan jartzeko lanean aritu da azkeneko hilabeteetan Ergi, Irulegiko Irratiko langileen eta Amikuzeko beste hainbat lagunekin batera. Irulegiko Irratiaren adartzat jo dute irrati berria, oraingoz.

Iazko udaberrian egin zituzten aurreneko bilkurak. «Talde txiki bat sortu zen egitasmoaren inguruan, eta ni hautetsi gisa deitu ninduten. Lokal publiko bat atxikitzea zen lehen helburua, baina hori ez dugu lortu. Azkenean, Donapaleuren bihotzean, karrika nagusian, lokal pribatu bat lortu dugu, eta tokia egokia da».

Estudio berri horretan, Amikuzeko irratiko emankizunetan aritzeko langile bat kontratatu dute: Artzen Letona (Donapaleu, Nafarroa Beherea, 1986). Iazko irailaren 11tik Zubiak irratsaioa aurkezten du Letonak, Alaia Martinekin batera —Euskadi Irratiak eta France Bleu Pays Basquek ematen dute, eta denboraldi honetan Euskalerria Irratia batu zaie egitasmora—. Euskal Herriko zazpi herrialdeetako mugak baino gehiago zubiak erakusten aritzen da Letona saio horretan.

Ergik nabarmendu du, estudioan esatari bat aritzeaz gain, sortu duten berriemaile sarea ere garrantzitsua izango dela. «Emeki-emeki sortu da sarea. Funtsezkoa izango da proiektua egingarria izateko». Laguntzaile guztiak bilduko dituzte datozen egunetan, elkar ezagutu eta irratian aritzeko trebakuntza jasotzeko.

Egitasmoa aurrera eramateko beste pauso batzuk ere eman behar izan dituzte. «Esate baterako, CSA Frantziako Ikus-entzunezko Kontseiluaren baimena behar zen, tokiko antena jartzeko. Txosten bat igorri zen, eta arazorik gabe lortu da hori», azaldu du Ergik.

Euskararentzat leiho bat

Amikuze eskualdean, FMko 94.2 frekuentzian entzun ahalko dira irrati berriaren emankizunak laster batean. Aiziritzeko auzapezaren ustez, euskal komunitatearentzat albiste pozgarria izango da. «Gauza ona izango da euskara erabiltzeko parada bat gehiago izatea Amikuzen. Euskararen alde gero eta urrats gehiago egiten dira eskualdean, baina pentsatzen dut irratiak lagunduko gaituela jendea euskararengana erakartzen. Irratia tresna ezin hobea izanen da».

Egunean bi orduz emititzen hasiko diren arren, «emeki-emeki» eskaintza handiagotuko dela iragarri du Ergik. Duela aste batzuk finantzaketa kolektiboko kanpaina jarri zuten martxan, eta herritar askoren sustengua ari dira jasotzen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Eskoletako Urmaelen Sareko kideak, Ataungo Joxemiel Barandiaran herri eskolako urmaelean, atzo. ©JON URBE / FOKU

Mundu bat putzu eginda

Enekoitz Telleria Sarriegi

Eskoletako Urmaelen Sareak lehen topaketa egin du Ataunen. Urmael bat sortzeak eta kudeatzeak dituen onurez eta proiektuak saretzeko beharraz aritu dira. «Laborategi natural batzuk dira».
1 ©- / EZEZAGUNA

Baratzeak loratzen duen guztia

Enekoitz Telleria Sarriegi

Hiri baratzeek gero eta erabiltzaile gehiago dituzte. Eskariak gora egin du, eta eskaintzari neurria jarri nahian ari dira euskal hiriburuetako udalak. Onurak baino ez dizkiote ikusten nola teknikariek hala erabiltzaileek.

Aktore protagonistak Nicole Kidman eta Hugh Grant. ©BERRIA

Burbuila bezain hauskorra

Mikel Yarza Artola

David E. Kelley estatubatuarrak 'The Undoing' telesaila aurkeztu du, 'Big Litte Lies' goratuaren ostean

Itziar Atienza, Aitziber Garmendia, Getari Etxegarai, Leire Ruiz, Naiara Arnedo eta Sara Cozar, filmaren grabazioan, Bizkaian. ©ERLAUNTZA

Umorez blaitutako ziztada

Nagore Arin

Zinema aretoetara iritsi da 'Erlauntza' ekoizpena, bi urtez antzokiz antzoki ibili ondoren. Sei emakume ditu protagonistatzat, eta ostiralean estreinatuko da Hego Euskal Herrian

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna