Blai gazte telebistak 'Anakrusa' musika saioa estreinatuko du bihar

Igande gauean bertan Hamaikan ikusi ahalko da. Kanaldudek asteazkenean emango du
Lapurdiko Lumi musika taldeak hiru kanta joko ditu <em>Anakrusa</em> saioaren lehen atalean.
Lapurdiko Lumi musika taldeak hiru kanta joko ditu Anakrusa saioaren lehen atalean. BLAI Tamaina handiagoan ikusi

Urtzi Urkizu -

2018ko martxoak 17

Musikan, esaldi baten hasieran eta konpas barraren aurretik jarrita dagoen nota bati edo nota talde bati esaten zaio anakrusa. Lehen denbora indartsuaren aurretik, beraz. Melodia hari indartsuagoen aurrekari bilaka daiteke Anakrusa musika saioa Blai gazte telebistarentzat. Bihar estreinatuko dute programa, 20:00etan, Blairen Youtubeko kanalean eta Topatu.eus atarian. Gainera, Hamaika telebistak ere bihar emango du programa, 21:00etan. Kanalduderekin elkarlanean ari dira Blaiko kideak saioa egiten, eta Nafarroa Behereko telebistak asteazkenean emango du (18:00).

Urtarrilaren 14an hasi zuen bere bidea Blai telebistak, Mahai Gainera eztabaida saioarekin. Urtarrilaren 28an estreinatu zuten bigarren programa: Hutsa eta doblea. Aktualitatea ikuspegi kritikoz eta umorez lantzen dute saio horretan. Hirugarren saioa da Anakrusa, eta Fermin Mendazona programako kideak iragarri du elkarrizketak kontzertu txikiekin uztartuko dituztela. «Oinarrizko helburua da musika munduko gatazkak eta informazio falta agerraraztea, zalantzak argitzea». Saio bakoitzean, musika talde gonbidatuak hiru kanta joko ditu. Kanta eta kanta artean, musikari baten hitzak tartekatuko dituzte.

«Anakrusa-n uste dugu elkarrizketa topikoetatik aterako garela. Edozein ikuslek alternatiba bat aurkitu ahalko du, eta euskal eszenan zer mugitzen den ezagutu ahalko du», azaldu du Mendazonak.

Donostiako Intxaurrondo auzoko Letaman gaztetxean grabatuko dute saioa. Aurreneko talde gonbidatua Lumi izango da. Haren kantak entzuteaz gain, taldeko kantari Nahia Zubeldiaren hitzak tartekatuko dituzte —Lehior Bilbaok egingo dizkio galderak—. Sorkuntza prozesuei buruz ariko dira solasean.

Hilean behin emango dute saioa, eta bigarren ataleko gonbidatuak Skakeitan taldeko bateria jotzaile Julen Idigoras eta Eneritz Furyak bakarlaria izango dira.

Blai telebistaren hurrengo proiektua fikziozkoa izango da.

'Uantxuflai', Kanalduden

Anakrusa-ko kideek nabarmendu dute Kanaldudeko baliabide teknikoei esker oso ondo entzungo direla taldeen kontzertu txikiak.

Kanaldudek, halaber, musikarekin lotutako beste saio bat estreinatu du berriki: Uantxuflai. «Soinuaz pasionatuak direnei zuzendutako saioa da», esan du Allande Etxeberri Kanaldudeko komunikazio arduradunak —Paxkal Irigoienekin batera aurkezten du saioa—. «Musika entzuteko baino gehiago, soinua aztertzeko programa bat da». Aurreneko atalean, soinu hartzeaz eta grabaketaz aritu dira Haritz Harregirekin; protagonista bera nahasketaz ariko da hilaren 28ko atalean. eMe taldearen kantu bat nahastuko du Harregik kameren aurrean. Soinuaren munduko bizipenak eta teknikak plazaratu nahi dituzte saio horretan, «baina dibulgazio handirik gabe».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan du gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

EHUko ikasle batzuk, artxiboko irudian ©Luis Jauregialtzo / Foku

EHUk espedientea ireki dio irakasle bati, eskolak maskararik gabe ematen zituelakoan

Irati Urdalleta Lete

Farmazia Fakultateko irakasleak positibo eman du PCR proban. Hamabost eguneko epean ebatziko dute espedientea.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna